A máis grande creación colectiva nos nosos emigrantes na Arxentina é o Centro Galego de Bos Aires. Ningunha outra entidade fundada no exterior tivo a importancia deste fogar porteño que leva máis dun século de exitosa actividade no mantemento do sentimento de galeguidade nos nosos descendentes. O pagamento dunha cota social achegaba un dobre benestar, cultural e sanitario, aos seus asociados. Cando se escoitaba dicir, “eu son socio do Centro Galego”, era a expresión de orgullo de quen empurraba coa súa frouma para que non faltase o lume na lareira da esquina de Belgrano e Pasco. Os que coñecimos aos presidentes dos últimos 40 anos podemos acreditar de que eran persoas de honor e compromiso coas raíces. No meu caso, tiven trato persoal con Pérez, Sánchez, Reboreda, Fierro, Bouzo, Campos, Adrio, Fernández, Ucha e Vello. Con algún deles falei máis que con outros menos pero en todos atopei o firme compromiso de administrar e xestionar os asuntos sociais con eficacia e honradez. Un destes presidentes que coñecín puxo cartos propios, moitos, para axudar a saír dun bache que ameazaba con estragar o futuro da entidade. Haberá quen pense que os novos dirixentes non sinten as cores e que se moven por intereses económicos. A min non me cadra que sexa así xa que abondan os exemplos de netos da emigración que siguen sementando identidade nos regos abertos por Rosalía e Castelao. Vai para tres anos que o Centro Galego non navega coa tripulación que elixiron os socios nas urnas. Agora ocupa a ponte de mando un temoeiro chamado Interventor que foi designado pola autoridade xudicial competente. O que moitos descoñecen é que o interventor non apareceu por arte de maxia e tampouco é o culpable da desfeita. O último presidente electo, Carlos Alberto Vello Pombo, intentou saír da crise pero non tivo o apoio necesario xa que os representantes de tres das agrupacións Pro Centro Gallego fuxiron dos seus cargos na xunta de goberno. Don Carlos considera que sen o apoio únanime dos seus compañeiros non corresponde loitar e vaise coa súa saúde persoal moi minguada. Fixera xestións para negociar un aprazamento das débedas máis importantes e chegara tamén a acordos con varias Obras Sociais para o alugueiro e a reserva de prazas hospitalarias. O ambiente no edificio social foi de constante presión con protestas diarias dos empregados. Os bombos sindicais enchían de gran quilombo un lugar onde o silencio é a norma cotiá é o barullo, algo excepcional. Nestes tres transcorridos ninguén presentou un proxecto ou suxestión orientativa para a viabilidade  do Centro Galego. As agrupacións abriron a boca, só no primeiro ano, para criticar ao interventor xudicial con  manifestacións desafortunadas que non tiñan case relación coa administración da entidade mutualista. Os empregados tampouco axudaron na busca de solucións. En lugar do diálogo, optaron maioritariamente pola afiliación a un sindicato agresivo que adoita berrar e esnaquizar mobiliario nas súas protestas. Así foi pasando o tempo e seguimos camiñando sen saber o destino dos nosos pasos. Os pesos que permiten pagar os salarios dos perto de 1400 empregados saen dun programa estatal do INAES [Instituto Nacional do Asociativismo e da Economía  Social] xa que pouco se recada dos convenios con PAMI [Programa de Atención Médica Integral] e das cotas sociais de menos de 10.000 asociados. Hai que ser agradecido con dona Cristina porque sen a axuda pública o Centro Galego estaría pechado e denunciado por débedas. A súa sensibilidade de neta da emigración galega levouna a actuar mediante unha solución de emerxencia. Aquí hai que suliñar que a operación de salvamento ordeada pola presidenta comeza uns poucos días despois da visita que lle fixeron na Casa Rosada un pequeno grupo de  socias que son as que lle presentan a petición. Son mulleres arxentinas de sangue galego que se negan a aceptar a baixada da persiana nun espazo onde sempre alumeou o espírito solidario dos emigrantes. O meu fondo sentimento de gratitude para cos fundadores do Centro Galego fai que non baixe os brazos. Sei que o sistema mutualista está en crise e que a gran maioría dos socios non son galegos e non soño con volver a ter  90 mil socios. Son da opinión de que é preciso salvar unha parte da aliaxe entre cultura e saúde. Ata agora formaban un só produto con dous compoñentes ben diferenciados: saúde e cultura. Chegou o momento de dividir segundo sexan as actividades realizadas, a saúde en mans públicas e a cultura en mans privadas. Os galegos e os seus descendentes son os propietarios dunhas boas instalacións hospitalarias. Son donos dun fermoso panteón na Chacarita e tamén dunha moi valiosa pinacoteca. Coido que aínda podemos herdar unha gran parte do suor dos avós. Para iso hai que actuar con xeito e de acordo aos tempos que estamos a vivir. Levo uns días reflexionando arredor do importante patrimonio cultural que posúe o Centro Galego. A súa moi valiosa pinacoteca inclúe obras de Maside, Colmeiro, Laxeiro, Díaz Pardo, Seoane e Castelao. Estou a lembrar só as figuras de maior prestixio dun total de 138 obras expostas en diferentes espazos sociais. Na “Historia del Centro Gallego de Buenos Aires” da autoría do culto doutor Padorno Caldeiro [recoñecido médico cirurxán con raíces no Corgo e Castroverde] temos ampla documentación sobre a riqueza artística que atesoura a nosa centenaria asociación. Os admiradores de Castelao son afortunados xa que poden gozar diante de “O cego” [óleo sobre tea] e de “A familia do cego” [debuxo a lapis] que se atopan no despacho presidencial do Instituto Arxentino de Cultura Galega. Recomendo unha visita ao Centro Galego como a mellor das medicinas para loitar contra do desalento. Aquelas paredes están vivas e comprometidas co futuro. Se abrimos o corazón, de certo que oímos o que lle está a comentar don Isaac a don Luís: Estiven dándolle voltas. Coido que a miña proposta pode ser a táboa que evite o afundimento da nosa cultura dentro do seo garimoso do noso benquerido Centro Galego. O tema da sanidade é moi complicado. As sociedades mutualistas foron creadas hai máis dun século e os tempos cambian. Entón, hai que buscar solucións! A min paréceme que non hai razón para que se perda todo o que fixemos na capital arxentina. O problema económico céntrase na sección de atención médica e hospitalaria. A miña idea é que se desdobre en dúas entidades independentes. Cada unha delas con personería xurídica propia. Por unha banda, o Hospital Galego de Bos Aires e pola outra, o Instituto Arxentino de Cultura Galega. Poida que eu non sexa quen para aconsellar –-se miramos para os estragos da miña herdanza-- pero no salvamento do Centro Galego xógase moito máis que unha vida; xógase a pervivencia do sentimento patriótico que encheu de paixón  aos miles de albaneis que ergueron unha lareira solidaria na porteña esquina de Belgrano e Pasco. Lembrarás, prezado Luís, que no salón onde se reunían os membros directivos do Instituto –agora en suspenso-- loce o meu “Nacemento”. Aquela sinxela obriña pode sermos de boa axuda se conseguimos que dona Cristina da Fonsagrada visite o Centro Galego. Unha visita que pode facer en calquera momento na súa condición de Presidenta Honoraria pero que sería marabilloso tivese lugar o vindeiro 28 de febreiro, exactamente 65 anos despois de que o fixera o presidente Perón. Ti pensarás que estou desbardando pero aínda rexe un pouco o meu vello cerebro. Teño a certeza de que non desaparece o Centro Galego se a presidenta Fernández se detén uns minutos diante do meu cadro. Dona Cristina vai quedar engaiolada na forza espiritual nunha nai galega que amosa o froito que sanda calquera sinsabor da vida. Logo, na Casa Rosada, impartirá a  orde  pertinente  para a estatización dos servizos médicos no“Novo Hospital” e para a privatización dos servizos culturais no“Novo Instituto” que tamén inclúe a propiedade do Panteón da Chacarita. Xa sabes que confío cegamente na afouteza dos nosos descendentes porteños. Por iso, escribirei a dona Cristina para pedirlle que teña a ben a prescrición dunha transfusión urxente de irmandade en harmonía para que o noso magoado Centro Galego non recolla o seu velame xa que aínda temos moitas singraduras por diante.

• Manuel Suárez Suárez. (mansuarez[arroba]quepasanacosta.gal).

Outros artigos dende Lonxe de Montevideo

• As cartas do Avó Pascasio: O Centro Galego da Habana.

• Dona Diáspora na Habana.
• As cartas do avó Pascasio: Os avós que laburamos de albañiles.
• Don Tabaré, presidente electo dos uruguaio.
• O médico de La Teja.
• No paraíso dos paraísos.
• Forza Centro Galego de Bos Aires!.
• Un “hornero” chamado Tabaré.
• Carlos Penelas en Compostela.
• Dona Calandria Fernández e don Voitre Singer.
• A desaparición do Centro Galego de Bos Aires.
• Dona Diáspora viaxa ata San Isidro de Curuguatí.
• Un adeus garimoso para un amigo da Costa da Morte.
• Dona Diáspora nas beiras do Chamangá.
• Dona Diáspora na cidade uruguaia de Melo.
• San Gardel de Tacuarembó.
• Dona Diáspora na rambla de Piriápolis.
• Un fogón artiguista en Madrid.
• As Cartas do Avó Pascasio: Os neopiratas á abordaxe de Galicia.
• As cartas do avó Pascasio: O “Clan do Clarinete” perdeu a partitura:
• As cartas do Avó Pascasio: O caldo galego sempre vén ben.
• O poema e a canción.
• As cartas do Avó Pascasio: A boa saúde do cine arxentino.
• O retorno de Lucía.
• As cartas do avó Pascasio. Unha “Queimada Solidaria” no Centro Galego de Bos Aires.
• As cartas do avó Pascasio: Os números cantan.
• As cartas do avó Pascasio. No barrio montevideano de La Teja.
• Hai que aprender do goberno arxentino!.
• As cartas do Avó Pascasio: Lembras a Burgueño?.
• Consuelo e Susana: unha mesma emoción emigrante en Bos Aires.
• As cartas do Avó Pascasio: O vindeiro xoves 25 de xullo.
• As cartas do avó Pascasio: Unha querella en Madrid.
• As cartas do avó Pascasio: Aplausos para a pontevedresa Ángeles Ruibal.
• O novo Centro Galego de Bos Aires.
• A alegría porteña dunha emigrante de Vila de Cruces.
• As cartas do avó Pascasio. Un interventor con sensibilidade galega.
• Unha loitadora emigrante de Vimianzo en Montevideo.
• As cartas do avó Pascasio. Adeus peixes, adeus leite.
• Volvemos ao Río da Prata.
• As cartas do avó Pascasio: Os neo-filibusteros atacan Pescanova.
• A “Suprema Inxustiza” da impunidade.
• Unha conversa na mámoa de dona Pedra da Arca.
• Unha carta ao Dr. La Blunda [Interventor do Centro Galego de Bos Aires].
• As cartas do Avó Pascasio: Un heroico mariñeiro de Fisterra.
• Dona Diáspora en Borneiro.
• Dona Diáspora en Baíñas.
• As cartas do avó Pascasio: Esperando ós Reis Magos.
• As cartas do avó Pascasio: Unha visita á Casa de Galicia de Montevideo.
• As cartas do avó Pascasio: Aprender dos erros.
• As cartas do avó Pascasio: En busca dos millóns perdidos.
• As cartas do Avó Pascasio: Un fogar común na esquina de Belgrano e Pasco.
• Aquel neno da montaña leonesa de Villamanín.
• As cartas do Avó Pascasio: Enganchados ao carro arxentino.
• As cartas do avó Pascasio: A nosa moeda son os pesos arxentinos.
• As cartas do avó Pascasio: Os nosos carballos.
• As cartas do avó Pascasio: Viñemos para sementar.
• Os españois apretan o cinto.
• O ingreso de dona Balbina na Asemblea Celestial da Emigración Riopratense.
• Uruguai abre o camiño para a derrota dos narcotraficantes.
• Forza Elba!.
• Aos moi prezados dirixentes de entidades galegas na Emigración.
• Unha muller no temón do Centro Galego de Bos Aires.
• A urxencia dunha solución para o Centro Galego de Bos Aires.
• Adeus, egrexio mestre Cordeiro Monteagudo.
• Forza Centro Galego de Bos Aires!.
• Graciñas, prezada Arxentina!.
• Sempre con Arxentina!.
• Berremos forte: forza Centro Galego de Bos Aires!.
• A forza dunha neta da parroquia de Bamiro Montevideo.
• O noso embaixador honorario en Bos Aires.
• O fungueiro de Bartolomé Hidalgo.
• Tres galegos da Costa da Morte en terras montevideanas.
• O hórreo do presidente Mujica.
• “La Juvenil” de Bos Aires e “Casa Cruz” de Baio.
• Forza Adolfo!.
• Dona Diáspora busca traballo en Montevideo.
• Galicia, entre Piriápolis e Tacuarembó.
• An Oriant, graciñas.
• Os mesmos sentimentos emigrantes en Bos Aires.
• Un rapaz solidario chamado Martiño.
• A maleta montevideana de dona Diáspora.
• A maleta arxentina de dona Diáspora.
• A forza dos Penedos de Pasarela.
• Dona Diáspora nas beiras do Río da Prata.
• En Bos Aires, unha romería solidaria.
• A páxina emigrante dunha gaiteira montevideana.
• Sempre na Habana!..
• Imos camiño da Habana?.
• O exilio de don Voto Perdido.
• A nosa herdanza na Habana.
• O futuro do Centro Galego de Bos Aires.
• As tres palabras que perderon os emigrantes.
• Unhas garimosas apertas de dona Diáspora.
• Dona Diáspora en Hollywood.
• Unha aperta fisterrá para Rosario Olveira en Montevideo.
• Ánimo para Cristina e adeus ao prezado irmán Carbajal.
• Galicia fíxose na diáspora.
• Un recordo para Andrés Pazos e unha aperta para Carlos Penelas.
• Dous herdeiros riopratenses: Noemí Rial e Jorge Muíño.
• Unha boa homenaxe aos emigrantes no Uruguai.
• Apertas galeguistas para don Manuel Cordeiro Monteagudo.
• As alegrías e as penas de dona Diáspora.
• Carlos López García-Picos, egrexio compositor betanceiro.
• Un tango para Rosalía de Castro.
• Forza Uruguai!.
• No “Derby” con Roxelio de Cesantes.
• Dona Diáspora quere máis retorno.
• Os grelos de Gladys.
• Os espazos emigrantes de dona Diáspora.
• As empanadas montevideanas de dona Valentina.
• Un baúl da Arxentina.
• A tolemia do voto emigrante.
• A singradura emigrante.
• O ingreso de Andrés Pazos na Asemblea Celestial da Emigración Riopratense.
• A xenerosidade de don Marcelino de Alqueidón.
• Un adeus moi garimoso para Andrés Pazos Pérez .
• A necesaria unidade dos centros galegos en terras americanas.
• As mans de María.
• Unha sesión especial na Asemblea Celestial da Emigración Riopratense.
• A miña noraboa para un país de primeira: Uruguai.
• O molete de Baio e os cruasáns de Malvín.
• Na Asemblea Celestial Riopratense queren que Pepe Mujica sexa o novo presidente do Uruguai.
• As miñas media ducia de razóns para non votar aos BLANCOLORADOS nas eleccións uruguaias.
• Forza Pepe! [O 25 de outubro hai eleccións presidenciais no Uruguai].
• Pérez Prado na Asemblea Celestial da Emigración Riopratense.
• Un adeus fondamente galego para Antonio Pérez Prado.
• O centenario de Tacholas na Asemblea Celestial da Emigración Riopratense.
• Debate sobre Gondomar na Asemblea Celestial da Emigración Riopratense.
• A miña noraboa para Castelao Bragaña.
• A biografía dun poeta emigrado.
• Hai moita preocupación na Asemblea Celestial da Emigración Riopratense.
• Cando Cheíto de Romarís foi para Delémont.
• A sesión do 17 de maio na Asemblea Celestial da Emigración Riopratense.
• Chegou o momento da UNIDADE aos fogares sociais galegos na diáspora.
• Chegou o momento do Espazo Emigrante no monte Gaiás.
• Na Asemblea Celestial Riopratense da Emigración Galega HAI DEBATE postelectoral.
• O debate entre Abraira e Sánchez na Asemblea Celestial Riopratense da Emigración Galega .
• Balbina, unha centenaria de Rebordelo.
• Debate sobre o voto exterior na Asemblea Celestial da Emigración Galega no Río da Prata.
• Necesitamos axentes electorais con experiencia [Absterse os que teñan ética profesional].
• Unha conversa na pizzería montevideana “Subte”.
• A Costa tamén vota dende Lonxe de Montevideo.
• ¿Querés que te haga un churrasquito, Manolito?.
• A familia Penedos de Pasarela.
• Dona Dionisia de Cedeira e as vindeiras eleccións autonómicas.
• O neno do lobo en Montevideo (II): Na esquina de Propios e Carabelas.
• O neno do lobo en Montevideo (I): “Na esquina de Pantaléon Artigas e Ipiranga”.
• Unha boa vacina contra do peronismo.
• ¿Querés un mate, gayego? Tomá mate, che que en el Rio de la Plata no se estila el chocolate.
• O fotógrafo preferido de Carlos Gardel.
• A güeya dun gaucho de Ribadeo.
• Os charrúas do Uruguai e as charrúas de Allariz.
• Un ferreiro de Tines en Montevideo.
• Un atípico emigrante da Laracha en Montevideo.
• Os nosos herdeiros riopratenses.
• A democracia dun capador bergantiñán en Montevideo.
• Un emigrante de Fisterra.
• Os emigrantes dicimos NON aos que queren pechar as portas.
• Entre Barcelona e Montevideo, díptico emigrante.
• De Barallobre a Bos Aires .

Fonte

• Redacción de QPC (info@quepasanacosta.gal).