No anterior artigo escribía sobre como facer un plan de inversión publicitaria e deixaba para más adiante o tema da estratexia, porque sempre hai unha estratexia , ainda que a marque a intuición e nunca te pararas a pensala.

Algunhas das estratexias máis comúns para traballar unha marca ou produto son:

• Promocións. Probas gratis, descontos, 2x1, gastos de envío gratuítos, etc. Poden ser importantes se o obxectivo é lanzar ou dar a coñecer a marca/produto e fidelizar novos clientes. Hai que fixar as condicións da promoción e a duración da mesma moi claramente para que o cliente non se leve a enganos.
• Produto. Planificar a estratexia que se vai a seguir con cada un dos productos de forma independente. Eliminar os que non son rentables, potenciar os que teñen importancia estratéxica para facer medrar a empresa, incrementar a inversión publicitaria en produtos máis rentables, facer modificacións no packaging…
• Forza de ventas. Estratexia dirixida a lograr os obxectivos de ventas fixados. Decidir cales son as canles de venta máis rentables, a captación de clientes potenciais, o tamaño do equipo que se adica a vender oua formación que o equipo necesita para mellorar o seu traballo.
• Precios. Moitas veces os prezos fíxanse de forma intuitiva, sen ter detrás uns datos que permitan avaliar o custe real para a empresa de vender ese tipo de produto ou servizo. Neste caso a conta máis importante que ten que facer un empresario é o prezo mínimo ao que ten que vender o seu produto para cubrir todos os custes. Entre outras cousas hai que valorar os prezos da competencia e prever a súa reacción (un precio demasiado baixo pode provocar unha guerra de precios e un precio demasiado alto pode facer que diminúan os compradores).
• Publicidade. Deseñar unha campaña publicitaria tendo en conta os obxectivos que se queren acadar e traballando as mensaxes que se queren emitir, os medios de comunicación seleccionados…
• Distribución. Decidir as canles onde se vai vender o produto ou servizo. Estarán en función da experiencia da empresa (non é o mesmo vender a través de internet que ter unha tenda nunha vila de 1.200 habitantes), o tipo de consumidor, o tipo de produto, etc.
• Diferenciación. Decidir que é o que diferencia unha empresa dos seus competidores xa que esto permite á marca estar nunha posición única e exclusiva do mercado. Estudar os factores que supoñen un valor engadido relevante (deseño, calidade, precio, atención ao cliente…).

Sabendo cal é a estratexia que hai que seguir en cada momento, é moito máis fácil chegar a cumprir os obxectivos e facer rentable un producto ou servizo.

• Ana Díaz Pérez ([email protected]).

Artigos en Marketing de andar por casa

• Estás tirando os cartos en publicidade?.
• Por que un negocio non pode ter amigos en Facebook?.

Novas relacionadas

• Dumbría toma nota das posibilidades das TIC no rural con Galinus.
• A Costa da Morte, no centro do Coaching Europeo.
• Galinus espalla as redes sociais por Baio, Camariñas e Ponteceso.

Fonte

• Redacción de QPC ([email protected]).