Xa non é a primeira vez que a ría de Corcubión é noticia. Noticia negativa. É unha das rías máis contaminadas de Galicia, onde se rexistran altas concentracións de bario, cobre, cadmio, manganeso, molibdeno, níquel, chumbo, silicio, zinc,… debido a proximidade dunha fábrica de hidrocarburos. Como non podería ser doutra forma, isto tivo e ten fortes consecuencias sobre a súa actividade marisqueira. Nos últimos días, a ría de Corcubión volve a estar moi presente nos medios. Volve a ser noticia. Outra vez de forma negativa. Praia, artificial, rexeneración, colectivo de defensa,… son algunhas das palabras máis repetidas nos titulares. O poder darse un chapuzón na praia de Corcubión ou tomar o sol sobre o caolín suporía danar, aínda moito máis, o ecosistema mariño que aínda sobrevive na zona e nas súas proximidades. Entón, queda descartada que esta sería a solución para rexenerar esta contaminada ría. O po arxiloso co que se gañaría terreo ao mar, propio para fabricar porcelanas, compáctase moito máis que a area afogando así os moluscos e destruíndo a riqueza do fondo mariño. A cor branca da praia chamará a atención. Unha cor que se conseguirá cun tratamento químico a base de sosa caústica. Crear esta praia artificial ten un elevado custe inicial e futuro, xa que a súa rexeneración deberá ser constante porque son terreos moi inestables. É probable que unha boa parte da praia desapareza no primeiro temporal que sufra. Quen se atreve a bañarse?

• Lorena Martínez Canosa (lorena@quepasanacosta.gal).

Novas relacionadas

• Reactívase o Colectivo contra a praia artificial de Corcubión e solicita o pronunciamento firme do PP.

Artigos de Lorena Martínez Canosa: A Costa en Verde

• A voltas coas prantas de acuiculura.
• O espectáculo do estuario do Anllóns.
• O roteiro do congro.
• A dieta da… carne.
• As cifras do Prestige.
• O cambio horario: ¿economía ou cuestión de gustos?.
• Como auga de outubro.
• Eucaliptos, ¿unha praga ou unha saída económica?.
• A Ensenada do Trece, un dos sistemas dunares da Costa da Morte de alto valor ambiental.

Fonte

• Redacción de QPC (info@quepasanacosta.gal).