Camilo no Viveiro-Xallas-Foto-Viveiro Senra Sport patrocina a Preferente. Coñécenos en Facebook

Non parecen dar sinais de vida os Xallas e Dumbría, que volven durmir unha semana máis en postos de descenso tralas súas derrotas noutra xornada sen marcar. Derrotas contra equipos de abaixo, máis grave se cabe a do Dumbría, na casa, ante unha Sarriana que era rival directísimo por evitar o descenso, e que supón ademais o 7º partido sen coñecer a vitoria do equipo de Canosa.

 

Dumbría 0-1 Sarriana

• Dumbría: Iván, Alcaina, Raúl, Jose, Pablo Conde (Denis, m.74), Aarón, Jano (Canario, m.85), Rivi (Mauro, m.55), Charly (Javi, m.46), Jesús (Martín, m.46) e Diego Cespón.
• Gol: 0-1, m.34: de cabeza.

Nada que contar

Apenas chegou a meta contraria un equipo dumbriés tremendamente novo que non acaba de atopar o seu sitio este ano. Foi un partido sen alma, sen intensidade, sen xogo, que levou a Sarriana, rival directo ademais na loita polo descenso, que se marcha agora con 7 puntos de vantaxe, deixando ao cadro dumbriés a 4 da salvación.

 

Viveiro 2-0 Xallas

Jesus no Viveiro-Xallas-Foto-Viveiro Viveiro-Xallas-Foto-Viveiro

• Xallas: Fabio, Hugo, Oscarín, Víctor Vecino, Barreiro (Rachón, m.75), Canedo, Doro (Camilo, m.65) (Pablo Novo, m.71), Jesús, Marcos, Kevin e Anxo.
• Goles: 1-0, m.37: Felipe Varela dende a frontal tras un rexeite da defensa; 2-0, m.76: Javi Rey nunha contra.

O efecto Donato?

Disque xa pasou o "efecto Donato" en Cantalarrana, e que agora queda o público de cada domingo. Pero o equipo da mariña parece coller unha liña ascendente que non ten o cadro xalleiro.

Saíu ben prantado o Xallas na primeira parte e mesmo puido adiantarse ao cuarto de hora cunha falta de Óscar que salva un defensa baixo paus. Tras moitos minutos de igualdade, era o cadro local o que se adiantaba nun balón mal despexado pola defensa, que lle cae a un xogador local no borde da área dende onde marca. Tivo o empate Barreiro tras un saque de falta de Jesús antes do descanso, pero o marcador non se movería.

Abriuse o equipo de Iván Cancela na segunda, e chegaba con máis profundidade polas bandas pero con malos centros. Á contra facía dano o Viveiro, que puido ter sentenciado no ecuador, pero o balón saía por encima de Fabio, pero que na seguinte facía o definitivo 2-0.

 

Crónicas da semana

• As papeletas do Fútbol da Costa son vermellas e amarelas.

Crónicas da Preferente Norte

• X.1: Doble derrota para o comezo de Liga na Preferente.
• X.2: Primeiro punto xalleiro e un set en contra para o Dumbría.
• X.3: Unha bagaxe agridoce.
• X.4: Sen gol.
• X.5: Alerta.
• X.6: Esperanza ou desconfianza.
• X.7: Pechando a táboa.
• X.8: Aformigados.
• X.9: Para o carro, José.
• X.10: Sufrindo tamén vale.
• X.11: O Xallas releva ao Dumbría na UCI.
• X.12: Sabor amargo.
• X.13: Pechando a táboa.
• X.14: Reciprocidade involutiva.
• X.15: Vaia ‘racha’ na Laracha.
• X.16: Gustazo do Xallas.
• X.17: Escapar de ‘O Val’ das sombras.

Máis información

• O cadro da Copa da Costa 2016.
• As táboas de resultados e clasificacións en www.futboldacosta.com. Piquen dende o seu teléfono e pulsen “Engadir a pantalla de inicio”, para ter sempre os resultados no peto.
• A actualidade no Facebook “Fútbol da Costa”.
• Mercado de Fichaxes: As Altas e Baixas dos equipos do Fútbol da Costa.

Fonte

• Redacción de QPC (info@quepasanacosta.com).