Por segundo ano, a Deputación da Coruña convoca o concurso de música infantil e xuvenil "Quero cantar" que o ano pasado gañou Elsa de Colaxe e no que participaron varios grupos da Costa da Morte. O principal obxectivo deste certame é promocionar e difundir o uso da lingua galega así como a creatividade poética e musical dos rapaces. Tal e como se establecen nas bases, no concurso poden participar todos os grupos musicais de ámbito galego que presenten e interpreten unha composición con letra e música orixinais e inéditas. Hai dúas categorías; unha infantil, na que concorrerán rapaces e rapazas de ata doce anos cun máximo de doce compoñentes. E unha categoría xuvenil para participantes de 13 a 16 anos, onde tamén poderá haber un máximo de doce participantes por grupo. Premios A Deputación da Coruña establece varios premios. Os cinco primeiros clasificados na 2ª fase de cada unha das categorías gravarán en estudio a canción co fin de editar un CD denominado Quero Cantar 17 por cada categoría. O 1º clasificado de cada categoría gravará un videoclip da canción gañadora e recibirá 1.500€ para a adquisición de material musical (instrumentos, equipamento,...) e/ou productos culturais en galego (libro, discos, cine, téxtil, xogos,...). O 2º clasificado recibirá 1000€ para destinalos ao mesmo fin e o 3º, 500€. O prazo de presentación das solicitudes remata o 20 de xuño de 2017. As solicitudes serán presentadas na sede electrónica da Deputación da Coruña ou no seu Rexistro Xeral.  

Novas relacionadas

• Colaxe gaña a primeira edición do concurso de música infantil Quero Cantar
• O teatro Colón acolle a final do concurso Quero Cantar
• O Manuela Rial, á final do concurso Quero Cantar
• Dúas cancións de Cee e unha de Laxe buscan as finais do Concurso Quero Cantar.
• A escola de música de Cee presenta a súa canción para o concurso “Quero Cantar”.
• Cee, Carnota e Laxe queren cantar!.

Fonte

• Redacción QPC (info@quepasanacosta.com)
• Deputación