• Baio e Sofán protagonizaron un derbi de alta intensidad, con golazos e cun nivel do mellor da tempada.

Intenso derbi no Pratas Reinoso entre Baio e Sofán-Foto-SD A Clínica de Fisioterapia Vértebra e a Podóloga Alicia Novás, de Baio, patrocinan a 1ª Autonómica. Pincha e coñéceas en www.vertebrabaio.com Non foron tan malas como habitualmente as novas na Primeira Autonómica, onde o Soneira mantense na cabeza, Baio e Sofán deleitan e Outes segue nunha xeira de quitar o sombreiro con 5 vitorias consecutivas. Si que seguen sendo malas as novas por Corme e Malpica, onde a liña de resultados non é nada positiva.  

Outes 2-1 Agolada

• Campo: O Conchido.
• Outes: Rama, Borja, Pose, Maroñas, Dani, Jura (Samu m.78), David, Elías (Veleiro m.78), Piki, Iago (Babu m.90) e Mario.
• Agolada: Rafa, Aitor, Cristian, Marcos (Miguel Ángel m.82), Santi, Alexandre, David, Rubén, Joselu, Rubén e Diego (Juanjo m.87).
• Árbitro: Buján Vidal (Santiago). Amonestou a Piqui do Outes; Marcos e Rafa do Agolada.
• Goles: 1-0 m.3 Mario; 1-1 m.34 Aitor; 2-1 m.87 David Sampedro, de penalti.

Parada de Rama importante para sumar a 5ª vitoria seguida do cadro da Serra Unha pesca moi golosa Nun dous seus partidos máis espesos da tempada, o Outes foi quen de sacar os tres puntos ante o moi correoso Agolada. Non houbo máis de tres oportunidades en todo o encontro, e na decisiva Mario estivo máis listo que o meta visitante Rafa, quen cometeu un penalti sen perdón na execución por parte de David Sampedro. Nun día no que o empate tería sido o máis xusto, os de Roque seguen a gañar.  

Baio 1-1 Sofán

Empate entre Baio e Sofan-Foto-SD

• Campo: Platas Reinoso.
• Baio: Pablo, Iago Couto, Fachal, Mario, Norberto, Peque, Martín, Saleta, Luis, Rubio e Moreno (Jose m.85).
• Sofán: David, Iván Rey, Adrian García, Rubén, Sito, Felipe, Pablo Martínez (Alex Pri m.84), Luis, Franchu (Brais m.58), Insua (Martín m.72) e Raúl.
• Árbitro: Belmonte Martell (A Coruña). Amonestou a Mario e Iago do Baio, Pablo e Raúl do Sofán.
• Goles: 0-1 m.17 Raúl de chilena; 1-1 m.39 Saleta dende 35 metros.

Un produto fresco, divertido e de calidade Marcaxe en curto entre Baio e Sofán, acostumados a verse as caras. Houbo oportunidades, alternativas, espectáculo e ata golazos, como o que inaugurou o marcador para os carballeses, pasado o cuarto de hora. Unha chilena de manual de Raúl permitía aos visitantes xogar cunha vantaxe que de tódolos xeitos tampouco variou en demasía a proposta cauta e estudiada do Baio. E foi tan meticuloso o prantexamento dos locais que ata na igualada se equilibrou a beleza do 0-1. Saleta escolleu para a ocasión un lanzamento lonxano imposible e inalcanzable para calquera porteiro. Na reanudación tamén habería reparto de momentos e ocasións de gol. Iniciou co mando o Baio nun arranque forte, aínda que algo falto de profundidade. Pola súa banda, o máis preto que estaría o Sofán na recta final sería un disparo de Raúl ao longueiro. Aquí, o vídeo da SD co resumo completo do partido:   E aquí queda xa o vídeo dos golazos da tarde da man de Santi Soneira.  

Malpica 0-2 Palmeira

• Campo: A Pedra Queimada.
• Malpica: Víctor; Casais, (Sergio m.46), M. Uruguaio, Kike, Óscar Moscoso, Eme, (Carlos Mallo m.72) Dímaga, (Javi Trigo, 66), Vitalie, (Petís m.46), Mara, Charro e Juny.
• Palmeira: Pirata; Eduardo, Gonzalo, Jorge, Bairón, Chema, Álvaro, Moncho, Óscar, Andrés, (Brión m.68) e Topo (Pablo, 90).
• Árbitro: Zas Vázquez (A Coruña).
• Goles: 0-1 m.47 Jorge; 0-2 m.92 Moncho.

Prolongación infernal Como se dunha mala película de terror de Serie B se tratase, o Malpica sufriu e desangrouse ante un rival tan naif e simple coma efectivo. E o fixo do xeito máis cruel posible: na prolongación de cada periodo. Dous saques de curruncho, un en contra que rematou con testarazo de Jorge, e outro a favor que se convertiría nunha contra, acabaron por ser determinantes. Protestou moito o equipo local unha lei da vantaxe non dada no minuto 81, cando Charro encaraba ao meta rival.  

Unión 1-1 Soneira

Vía recibe no Union-Soneira-Foto-SD

• Campo: Vilas.
• Unión: Eloy Fungueiriño, Pablo, Dani Conde, Víctor, Mauro, Walter (Kevin m.80), Sergio, Óscar, Álex (Sergio m.58), Seijas e Manoliño.
• Soneira: Anxo, Cristian (Martín m.70), Brais Mouzo, Aarón, Maikel, Mario (Cristian m.65), De la Sierra, Richi, Basti, Javi (Darío m.70) e Alberto Vía.
• Árbitro: Vlas Lorenzo (Boiro). Amonestou a Sergio e Víctor do Unión de Asados; Aarón e Brais Mouzo do Soneira.
• Goles: 1-0 m.44 Mauro; 1-1 m.82 Richi.

Via e Javi no Union-Soneira-Foto-SD Velada grande e resultado positivo O Unión, un dos presupostos máis ambiciosos da categoría, e o Soneira, líder, firmaron táboas nun encontro que respondeu ao currículum de ambos. Manoliño e Javi, dianteiros de superior categoría, igualaron ao remates perigosos nos primeiros minutos. Os barbanzáns buscaban balóns longos para a velocidade do antigo pichichi de Preferente, pero mantivo un alto nivel defensivo o cadro de Manolito, insuficiente, iso si, para frear o 1-0 un minuto antes do intermedio, froito dun gran arreón final unionista. Exerceu de líder e tomou a responsabilidade o Soneira, desde o inicio do segundo acto. Caeu un regueiro de ocasións, pero tivo que ser con suspense e nunha acción de estratexia cando Richi igualara e salvara un punto para o líder.  

Lesende 3-1 Corme

Lucas lanza unha falta no Lesende-Corme-Foto-Fin Lema

• Campo: Cabanetán.
• Lesende: Venancio, Jorge, Antonio, Teo, Rubén, Fran (Roberto m.89), Borja (Dani m.83), Brais, Óliver, Fernando (Adan m.89) e Adrián (César m.69).
• Corme: Jose, Joshua, Dani, Toniño, Eloy, Alejandro (Adolfo m.46), Juan Chans, Adrián Doldán, Diego (Brais Torrado m.67), Lucas e Brais Corral.
• Árbitro: Castro Liñares (Santiago). Expulsou a Óliver (m.87) do Lesende e Dani, no mesmo minuto, do Corme. Amonestou a Antonio do Lesende; Toniño, Juan Chans, Brais, Joshua e Lucas do Corme.
• Goles: 1-0 m.7 Borja; 2-0 m.35 Fernando; 2-1 m.66 Lucas, de penalti; 3-1 m.74 Fernando.

Unha tarde para deixar atrás Foise moi rápido do partido o Corme en Lesende, con media hora e dous goles abaixo. O tanto de Lucas, xa no segundo acto, deu oito minutos de luz aos bergantiñáns, que seguen a compricarse o seu rol en Primeira. Duro foi o Lesende-Corme-Foto-Fin Lema  

Crónicas da semana

• Preferente: Gustazo do Xallas.
• Atasco na operación saída.

 

Novas relacionadas

• Corredoira asume o desafío de ascender ao Baíñas.
• “Estoulle sendo infiel ao fútbol… cos meus fillos”.
• O Fútbol Base volve a Pedra Queimada.
• Remata o Curso de Monitor de Fútbol Base de Santa Comba e convócase un novo para Muros.
• Grandes nomes na lista de Pichichis das Ligas da Costa.

Crónicas da 1ª Autonómica

• X.1: O Soneira colócase líder pero a Costa mereceu máis.
• X.2: Un Soneira imperial.
• X.3: Recital dos sonei-boys.
• X.4: Unha dupla que vale un liderato.
• X.5: 6 minutos de acerto.
• X.6: Así tamén vale.
• X.7: Sequía entre baños.
• X.8: Intratable Soneira nunha negra xornada costeira.
• X.9: Que bonitos son os derbis costeiros.
• X.10: O Cunchido, pesadelo do líder.
• X.11: E o Outes tomou o Carral.
• X.12: Os derbis son cousa do Outes.
• X.13: A semana sen sentido.

Máis información

• O cadro da Copa da Costa 2016.
• As táboas de resultados e clasificacións en www.futboldacosta.com. Piquen dende o seu teléfono e pulsen “Engadir a pantalla de inicio”, para ter sempre os resultados no peto.
• A actualidade no Facebook “Fútbol da Costa”.
• Mercado de Fichaxes: As Altas e Baixas dos equipos do Fútbol da Costa.

Fonte

• Guillermo Parga (guillermoparga@quepasanacosta.com).