A Deputación da Coruña ven de adxudicar as obras de construción de dúas sendas peonís nos concellos de Malpica e Vimianzo, por un importe total de 202.372,21 euros. En Vimianzo, a empresa Excavaciones y Transportes BC realizará por un importe de  118.578,79 euros as obras de construción dunha senda peonil na marxe dereita da estrada DP 1603, entre os lugares de Porto de Cereixo e Tufións. A nova senda, de case un quilómetro de lonxitude, construirase ao nivel da estrada entre os puntos quilométricos 1,400 e 2,345, cunha anchura media de dous metros e un carril de separación do andén peonil e a plataforma de 0,5 metros. Debido á configuración do terreo, o proxecto contempla a execución de varios muros de escollera, cunha altura máxima de 1,8 metros, a reposición de diversos peches, e a colocación de bordillo nos tramos no que o terreo estea a cota superior á da senda. Construirase unha rede de tubaxe de PVC baixo a senda para a recollida de augas pluviais e incluirase a axeitada sinalización do tramo sinalado. O prazo de execución dos traballos é de catro meses. Senda peonil de Mens En Malpica, a nova senda terá 790 metros de lonxitude e construirase no lugar de Mens, dando continuidade á existente actualmente entre os puntos quilométricos 5 e 6. O andén peonil continuará así ata o punto quilométrico 4,210, mellorando a seguridade da estrada DP 4307 de Malpica a Ponteceso. A Deputación adxudicou á empresa Excavaciones y Obras Marcos a execución dos traballos, por importe de 83.794,42 euros e cun prazo de execución de catro meses. As obras comezarán coa retirada de todos os elementos de mobiliario urbano afectados pola obra, entre eles sinais de tráfico e biondas, o desbroce das cunetas e a demolición do pavemento asfáltico na marxe dereita da calzada. A nova senda terá un ancho total de 2,10 metros, dos que 0,30 metros correspoden á zona de seguridad entre a calzada e o andén peonil. O proxecto inclúe tamén rede de recollida de pluviais e a reposición de sinalización horizontal e vertical Novas relacionadas

• Máis de 331.000€ para a construcción de varias sendas peonís no Camiño ao seu paso por Muxía e Santa Comba
• Dumbría terá unha nova senda peonil dentro dun tramo do Camiño de Santiago
• Unha senda peonil unirá Carballo co polígono de Bertoa a partir do verán do 2017
• As sendas peonís chegan á Costa da Morte
• As obras da senda peonil entre Xornes, Buño e Canta La Rana arrincarán este ano
• Realizan catas para ampliar a senda peonil da ponte de Baio
• Rematada a senda peonil entre Anllóns e Ponteceso

Fonte

• Redacción QPC (info@quepasanacosta.com)
• Deputación da Coruña