Sábado. 25.06.2022
El tiempo

A Laracha escolle os seus mellores marcapáxinas

Marcapaxinas da larachesa Sofia Queijo Rey
Marcapaxinas da larachesa Sofia Queijo Rey
A Laracha escolle os seus mellores marcapáxinas

Xa hai gañadoras do concurso de marcapáxinas organizado polo Concello no marco do programa de actividades en torno ao Día das Letras Galegas e no que se convidara a participar ao alumnado de educación primaria.

O 1º premio da categoría infantil foi para Sofía Queijo Rey por “Soñar esperta, cos ollos abertos”.
O 2º para Vera Castro Cacharrón por “Un conto”.

O 1º premio da seguinte categoría foi para Uxía Rodríguez Cotelo por “Eu elixo ler”; e o 2º premio: Noa Cabezas Martínez por “Os extraterrestres tamén len.

Marcapaxinas de Uxia Rod Noe Cabezas e Vera Castro
Marcapaxinas de Uxia Rodríguez, de Noe Cabezas e de Vera Castro

As catro galardoadas recibirán como agasallo lotes de libros e material didáctico adaptado ás súas idades. E entrega dos premios será o venres da semana que vén (27 de maio) ás 19:00 horas na biblioteca municipal da Laracha. Ademais, os traballos que obtiveron o primeiro premio de cada categoría serán editados polo Concello e distribuídos como os marcapáxinas oficiais da Rede de Bibliotecas Municipais.

Concilia

O Concello abriu este pasado mércores a inscrición para o servizo de apoio á conciliación da vida persoal, laboral e familiar que se prestarán a través do “Programa Harmoniza: Conciliando na Laracha” durante o verán, desde o remate do actual curso escolar e ata o comezo do próximo no mes de setembro.

O servizo estará en funcionamento de luns a venres en horario de 8:00 a 14:00 horas nas instalacións do CEIP Otero Pedrayo e vai dirixido a todas as crianzas de entre 3 e 12 anos de idade que estean empadroadas no termo municipal da Laracha.

As prazas son limitadas e a preinscrición debe formalizarse ata o día 15 de xuño.

comentarios