Esta semana o Concello da Laracha, un dos poucos que se están involucrando en facer cumprir as Lei de prevención e defensa contra os incendios forestais de Galicia e a Lei de Montes de Galicia, vai realizar a primeira limpeza subsidiaria dunha parcela de Paisaco. Despois das peticións realizadas, o Concello vai limpar unha finca particular, situada preto das casasno núcleo urbano de Paiosaco, e vai impoñer unha multa de 3.000 euros ao seu titular.

Dita finca foi obxecto de tres informes da Policía Local, notificándose primeiro ao propietario a obriga de xestionar a biomasa ante a abundante maleza que presentaba. A continuación, a imposición dunha multa coercitiva de 3.000 euros como medio de execución forzosa. Por último, en vista de que persistiu o incumprimento, déuselle conta da execución subsidiaria deses traballos polo Concello, cuxo custo deberá asumir o titular da parcela.

O Concello lembra que leva dende o comezo da primavera, que é cando máis medra a biomasa, da necesidade de levar a cabo actuacións dirixidas a cumprir as condicións de seguridade, hixiene, salubridade e ornato público dos terreos privados.

O Concello agradece á veciñanza a súa implicación e sensibilización con estas obrigas, dado que por norma xeral ditos labores se acometen en tempo e sen necesidade de requirimentos previos. Sen embargo, a aqueles propietarios que incumpriron a normativa, foron requiridos para facelo e non acometeron as actuacións oportunas, o Concello comezará a impoñerlles multas coercitivas de entre 1.000 e 10.000 euros como medio de execución forzosa para que procedan a dar cumprimento das súas obrigas.

Que pasa no CHUAC

Precisamente ao fío destas primeiras multas municipais, Suso Méndez Torrado, veciño ilustre de Corme, vén de preguntarse que pasa nas administracións que multan ás fincas privadas e permiten que “todo un complexo hospitalario como é o CHUAC, estea rodeado de bichería, ratería e arcolitada”. “Con que autoridade moral ousan multar aos veciños do rural por mor de limpar as fincas en monte rústico?”, pregúntase Suso de Basilio.

Novas relacionadas

• Maio 21: A Xunta lembra a obrigatoriedade de limpar os terreos forestais próximos ás vivendas antes do 31 de maio.
• Marzo 21: A Laracha volve lembrar a obritagoriedade de manter limpas as parcelas forestais en solo urbano.
• Xaneiro 2021: O Concello de Camariñas xa envía os primeiros expedientes por non manter limpas as fincas forestais.
• Setembro 2020: A Laracha xa abriu 200 expedientes a propietarios que non limparon as súas parcelas:
• Agosto 2020: Camariñas, un dos poucos Concellos que lembra as obrigas aos propietarios da limpeza das parcelas forestais.
• Xullo 2020: Santa Comba tamén obriga aos propietaron a limpar as súas parcelas.
• Maio 2020: Ponteceso lembra a obrigatoriedade de manter limpas as fincas para previr os incendios.
• Febreiro 20: Camariñas tamén apura aos propietarios a limpar as fincas.
• Agosto 19: Ponteceso atrévese a meter man na xestión das franxas antiincendios.