Martes. 17.09.2019
El tiempo

Dombate recibiu a visita de máis de 2.500 escolares no último trimestre de curso

Obradoiro de pintura rupestre nas visitas escolares a Dombate
Obradoiro de pintura rupestre nas visitas escolares a Dombate
Dombate recibiu a visita de máis de 2.500 escolares no último trimestre de curso

As visitas escolares teñen que ser un dos grandes motores que sirvan para manter vivos espazos patrimoniais da Costa da Morte como o Castelo de Vimianzo, as Torres do Allo ou o Dolmen de Dombate. Precisamente, na anta cabanesa, a catedral do megalitismo galego, das aproximadamente 30.000 visitas anuais, unhas 2.500 son de escolares, producidas no último trimestre de curso.

A maior parte dos estudantes proceden da provincia da Coruña, nomeadamente da Costa da Morte. Dende o pasado 1 de marzo, por exemplo, os que se achegaron ao Centro Arqueolóxico Dolmen de Dombate foron de Laxe, Carballo, Cee, Laracha, Fisterra… pero tamén da Coruña, Sanitago, Curtis ou Pontevedra.

Entre maio e abril, tamén houbo rapaces chegados de Arteixo, Val do Dubra, Narón, Coristanco, Santiago, Fisterra e Ponteceso, A Coruña, Cee, Vimianzo, Laxe, Ordes, Baio, Santiago, Santa Comba, Oza, Ames, Camariñas, Muros, Oleiros, Fene ou A Laracha. Como vemos, son moitos os centros da bisbarra que non desaproveitan a ocasión de trasladar aos seus pequenos milleiros de anos atrás.

Boa parte tiveron a oportunidade de participar en obradoiros gratuitos de cerámica, pintura, caza e tecido, entre outras disciplinas, impartidos por Galipat. A campaña foi desenvolvida en virtude do convenio do Concello de Cabana e a Deputación da Coruña.

Como ben sendo habitual moitos centros escolares repiten a experiencia todos os anos e aproveitan o desprazamento para descubrir o Castro de Borneiro. O obradoiro preferido polos alumnos de infantil é o de pintura, mentres que os de primaria se decantan pola cerámica e música, mentres que os de estudantes de secundaria escollen o taller de caza, que se desenvolve no campo anexo ao Dolmen de Dombate.

Obradoiro de oleiria en DombateObradoiro nas visitas escolares a Dombate

Un verán para visitar

Remata a campaña de visitas escolares pero a actividade no Dolmen de Dombate non cesa no verán. Ademais das visitas guiadas de día e de noite, Centro Arqueolóxico acollerá un amplo abano de actividades culturais nos meses de xullo e agosto.

Horario de Visitas do Centro Arqueoloxico de Dombate

Novas relacionadas

Comentarios