Pois xa temos os resultados das Eleccións Europeas 2014. Despois da lectura de José Luís Louzán, falamos dunhas eleccións que a nivel estatal deixan un panorama moito máis variado do habitual, e podemos (nunca mellor traído) falar dun claro camiño cara o final do bipartidismo. A aparición de ata 8 grupos con escaño, ademais dos dous maioritarios, dá conta do que falamos.

Había 41 opcións de voto, e se a variedade foi predominante a nivel estatal, na Costa da Morte apenas 6 grupos levaron o 99% dos votos. A análise galega deixámoslla aos compañeiros de Galicia Confidencial, que destacan a presencia de Podemos como 4ª forza en Galicia, por detrás de PP, PSOE e AGE e por diante do BNG.

Supremacía do PP na Costa da Morte

Xa analizando os datos colleitados na Costa da Morte, en canto á participación, foi dun 40%, 5 puntos máis baixa que no resto de España. E o PP mantense foi a forza maioritaria, cun 29% dos votos, moito máis que a media española. O PP gañou en 14 dos 18 Concellos QPC, e só en Camariñas, Corcubión, Dumbría e Muxía o PSOE o superou. Datos que demostran a incidencia da política municipal nestes comicios europeos, xa que estes son os 4 concellos gobernados polo PSOE. O grupo socialista recibiu o 26% dos votos dos costeiros.

O BNG mantense como 3ª forza na Costa da Morte ca súa coalición “Los pueblos deciden”, con EH Bildu, Alternativa Nacionalista Canaria (ANC), Unidad del Pueblo (UP), Andecha Astur e a formación aragonesa Puyalon de Cuchas, que acadou 1 só escano. O BNG recibíu nos Concellos costeiros un 11% dos votos e terá presencia durante ano e medio no Parlamento, e estará dende xa no Grupo parlamentar de coalición.

Por detrás situouse AGE e a súa coalición co IU, dentro da Izquierda Plural, que conseguíu 6 escanos no Parlamento, cun 8% dos votos na Costa da Morte.

Sorprende, tanto a nivel estatal como galega comarcal, a irrupción de Podemos, cun 4% dos votos nunha zona illada como a nosa na que a formación apenas tivo presencia en Fisterra. 5 escanos terá o novo grupo en Europa.
UPyD foi a 5ª forza costeira co 2%..
A presencia de Compromiso por Galicia apenas se notou en Muros, co 7 % e quedando por diante de Podemos e UPyD.

• Resultados das Eleccións Europeas 2014 na Costa da Morte.

Resultados estatais

Non convence Europa e non convence o bipartidismo. Observando a escasa participación do 46% parece que a xente segue sen dar especial importancia ao parlamento Europeo ou que os partidos que se presentan non convencen o suficiente como para achegarse ás urnas.

Os resultados dan a vitoria ao PP que consegue 16 escanos, dous máis que o PSOE, pero máis destacable que isto é o feito de que entre os dous grandes partidos non conseguen sumar o 50% dos votos, asi que aos poucos deixan de ser tan grandes e esta tendencia segue crecendo a medida que se suceden eleccións. Tamén se conclúe que cada vez nos convencen menos campañas sen ideas nin solucionesconstruidas basicamente no ataque ao contrario. Ata o momento non houbo síntomas de que queiran romper esta tendencia.

Novas relacionadas

• José Luís Louzán: Lecturas das Europeas 2014 na Costa da Morte.
• Arrincou a Campaña das Eleccións Europeas… tamén na Costa da Morte.
• Pero chega a campaña das Eleccións Europeas á Costa da Morte?.
• Fisterra pode contra a indignación.

Fonte

• Redacción de QPC ([email protected]).