Dar “máis facilidades, máis autonomía local e máis transparencia” aos 93 municipios coruñeses é o o obxectivo do novo POS+2017, o novo Plan Único da Deputación que saíu aprobado o pasado venres cos votos favorables do PSdeG-PSOE, BNG, Marea Atlántica, Compostela Aberta e Alternativa dos Veciños e o único voto en contra do Partido Popular.

Un Plan, que segundo o deputado responsable da área de Plans e Cooperación cos Concellos, o carballés Xosé Regueira, “representa un modelo singular de colaboración, que non existe en ningunha outra administración estatal e que marca un punto de inflexión e abre novas posibilidades aos concellos”, xa que por vez primeira se permitirá financiar con cargo a fondos provinciais cuestións como a redacción de proxectos ou a porcentaxe de cofinanciamento municipal nos convenios con outras administracións.

Unificar plans e simplificar a tramitación don dous dos claros obxectivos do programa. Outra importante novidade do plan será a súa contribución ao saneamento das economías municipais. Dependendo do nivel de saneamento e endebedamento de cada concello, o POS+ 2017 contempla dedicar ata o 75% dos fondos asignados para pagar, de forma prioritaria, aquelas débedas con provedores que teñan unha antigüidade superior aos tres meses. Un que xa nos confirmou que vai utilizar o POS para sanear as débedas foi o Concello de Laxe. As achegas do Plan por comarcas e municipios quedan do seguinte xeito:

Novas relacionadas

• Domingo Guerra, Economía Municipal: Catro concellos non renden contas.
• O PAS da Deputación deixa 5,7 millóns de euros na bisbarra.
• O plan de emprego da Deputación crea máis de 140 postos de traballo da comarca.

Fonte

• Deputación-