Seguen os movementos nos partidos políticos da bisbarra a un ano das eleccións municipais 2019. Pouco a pouco iremos coñecendo as cabezas de lista dos partids en cada concello, pero polo de agora se repiten as citas comarcais Desta volta foi o Partido Popular o que realizou un acto cos concelleiros, militantes e simpatizantes de Cabana, Carballo, Coristanco, Laracha, Malpica, Ponteceso e Laxe. Nel participaron o vicesecretario xeral de Organización e director de campaña de Partido Popular da Coruña, Evaristo Ben e o secretario xeral de PPdeG, Miguel Tellado.

“Podemos gañar as eleccións municipais nos sete concellos –Cabana, Carballo, Coristanco, Laxe, Laracha, Malpica e Ponteceso- do Partido Xudicial de Carballo”, sinalou con optimismo Ben, asegurando que o PP intentará asaltar as alcaldía de Carballo, Ponteceso, Laxe e Coristanco (onde forma un estrano goberno cun edil expulsado do PSgG), considerando que nestes tres últimos concellos quedou “a un puñado de votos” de poder gobernar.

Ben quixo resaltar “o bo labor realizado polos rexedores de Laracha, Malpica e Cabana”, e mostrouse convencido de que “en 14 meses teremos máis exemplos que poñer sobre a mesa” porque, tal e como lembrou, o Partido Popular “sempre foi unha referencia nesta comarca”. Ademais, Ben lembrou que o populares aspiran a conseguir o maior número de alcaldías e recuperar o goberno da Deputación da Coruña. “Imos necesitar todos e cada un dos votos en todos e cada un dos municipios”.

Novas electorais

• Marzo 18: Jose Antonio Viña Patiño, novo Coordenador Comarcal do PSdG de Bergantiños.
• Marzo 18: O PP de Muxía refúndase arredor de Sandra Vilela para recuperar a alcaldía.
• Xaneiro 18: O PP de Soneira e Fisterra se prepara para recuperar gobernos locais en 2019.
• Xaneiro 18: O PP de Bergantiños activa o modo precampaña para as municipais do 2019.

Fonte

• Redacción de QPC ([email protected]).