Onte presentouse na Deputación da Coruña o plan director para fomentar a mobilidade ciclista na provincia A Costa da Morte entra dentro do plan director para fomentar a mobilidade ciclista na provincia da Coruña presentado onte polo presidente da Deputación da Coruña - Valentín González Formoso - e o deputado responsable da área de Vías e Obras e Medio Ambiente - José Manuel Pequeño Castro -. Este plan, que servirá de base para solicitar financiamento europeo, estará composto por tres proxectos singulares: a ampliación da rede ciclista metropolitana da Coruña, a creación da Vía Verde entre Santiago e Cerceda e a construción de sendas en 11 faros da zona de Ferrolterra, a Costa da Morte e a ría de Muros. O enxeñeiro da Deputación -  Pablo Couto - explicou durante o acto de presentación os detalles do plan aos alcaldes e concelleiros dos 18 municipios coruñeses nos que se realizarán estes proxectos: Carral, Abegondo, Bergondo, Betanzos, Mañón, Cariño, Valdoviño, Malpica, Laxe, Carmariñas, Muxía, Fisterra, Corcubión, Carnota, Muros, Ordes, Tordoia e Cerceda.

Senda ciclista

A través deste proxecto, a Deputación pretende potenciar os faros en funcionamento da provincia e o seu valor cultural e paisaxístico. Para elo, crearanse sendas ciclistas que conecten os faros coas poboacións máis próximas, facilitando deste modo o acceso. Estas sendas construiranse en 11 faros da zona de Ferrolterra, a Costa da Morte e Muros, de xeito que se crearán 59,6 quilómetros de percorrido dos cales 42,8 están na Costa da Morte. Sendas para mellorar o acceso aos faros:

Faro

Concello

Titularidade da senda

Lonxitude (km)

Punta Nariga	Malpica	Municipal	14
Laxe	Laxe	Municipal	1,4
Cabo Vilán	Camariñas	Municipal	5
Cabo Touriñán	Muxía	Municipal	16
Fisterra	Fisterra	Municipal	3
Cabo de Cee	Corcubión	Provincial	3,4

Seguindo a senda do Camiño dos Faros

Este proxecto complementaría outras apostas da Deputación, coma o Camiño dos Faros. A institución provincial financia tamén a homologación deste camiño como Senda de Gran Percorrido, co obxectivo de fomentar o turismo ao redor deste tipo de construcións nos concellos da Costa da Morte. Novas relacionadas

• Asinado o convenio que homologará o Camiño dos Faros nunha ruta de Gran Percorrido
• A Deputación aproba o financiamento do proxecto de homologación do Camiño dos Faros como GR
• O Camiño dos Faros xa se pode facer en bicicleta de montaña.

Fonte

• Redacción QPC (info@quepasanacosta.com)
• Deputación da Coruña