Por algo lle chaman “a maior lumarea de Galicia”. A de Camariñas é unha das cacharelas máis impresionantes do país. A Asociación Lumarea prepara este San Xoán por todo o alto, facendo ademais unha ollada á súa historia, coa falla do Serpent, o buque protagonista do naufaxio máis famoso da Costa da Morte, que se lembra no emotivo Cemiterio dos Ingleses.

A cita para este venres está lista. A praia Area da Vila xa loce coa cachela espectacular, que mide 24 metros de eslora, 4 de manga e 11 de puntal.

A partir das 17:00h comeza a festa infantil; a partir das 19:00h haberá baile das escolas, arrincando ás 20:00h a sardiñada, amenizada pola Charanga CLK e a Mekanika Rolling Band, unha delicia roqueira para a cativada.

O gran momento será á medida noite, co encendido da lumarea cos fogos de artificio.

A festa non parará ata ben entrada a mañá cos música.