As vilas de Camelle e Arou póñense de época xa pensando na fin de semana de 8, 9 e 10 de xullo. A celebración dos 125 anos do afundimento do City of Agra, o meirande programa cultural de Galicia arredor dun naufraxio, enchegará as vilas camariñás de historia, de memoria, de tradición, de gastronomía, de festa…

Durante todos os días haberá unha feira mariñeira, cunha exposición e un concurso de tapas entre os bares das dúas vilas.

Pero o programa complñetase con visitas guiadas, os concertos de Serj e Os Melidaos, roteiros, sardiñadas, foliadas, pasarrúas…

Pero sobre todo, os grandes elementos diferenciais deste programa son as actuacións protagonizadas pola xente da vila. O venres 8 de xullo, ás 21:30h, terá lugar a xa famosa Palillada Teatralizada, un espectáculo feito na casa con sabor a mar e encaixe. Outra dos grandes eventos é o acto da Arribada dos Náufragos, que se celebará o sábado ás 22:30h coa música de O pau que vira.

Ademais, o domingo ás 12:30h terá lugar a sentida homenaxe aos náufragos da Costa da morte, coa tamén teatralizada recepción de autoridades aos náufragos do barco afundido.

Novas relacionadas

• Outubro 21: O pobo de Camelle volcouse co emocionante programa cultural arredor do Naufraxio do City of Agra.
• Inauguración 2021: Camelle dá a benvida á maior conmemoración dos naufraxios galegos polos máis de 124 anos da catástrofe do City of Agra.
• Maio 2019: 122 anos do City of Agra. Camelle recuperou parte da súa historia salgada.
• Miro Villar: Efeméride: 120 anos do naufraxio do «City of Agra» e un poema de Antón Zapata García.