Non hai moito, varios veciños de Camariñas protestaban pola nova ubicación dun depósito de residuos da factoría conserveira. Unhas voces que quere contrarrestar a dirección da fábrica cos seus argumentos, i é que dende Industrias Cerdeimar aseguran que "sempre temos a porta aberta para informar aos veciños".

Andrés Cerdeiras explica que a nova ubicación, dada unha obriga de Costas, só varía nuns 15 metros que o Depósito de homoxeinización de vertidos industriais ten que desprazarse ata arriba, lonxe do paseo marítimo. Un paseo martítimo, que por certo, foi cedido pola empresa a Costas hai 20 anos "sen obter nada a cambio", afirma Cerdeiras.

Nese sentido aseguran que non é ningún "depósito de merda", senón un un "espazo onde se depuran os residuos orgánicos, que en ningún caso perxudica ou contamina a zona. Precisamente serve para depurar os residuos antes de vertelos á ría". Quere zanxar así a polémica e insiste en que abre as portas aos veciños para que pasen a ver o depósito e que comproben a súa inocuidade.

"Unha das rías máis ricas de Galicia"

Cerdeiras vai máis alá, asegurando que dende a empresa fixeron un estudio da fertilidade da ría de Camariñas, obtendo como resultado que as augas residuais da fábrica, ao non ser esaxeradas e ao ter cantidades de materia orgánica, provoca un aumento da calidade dos moluscos de toda a zona, sendo a ría de Camariñas unha das máis ricas de toda Galicia.

Novas relacionadas

• Veciños de Camariñas protestan pola ubicación do novo depósito de residuos industriais.

Outras novas

• 150 alumnos aprenden o mar á vela en Corcubión, Cee, Fisterra, Dumbría e Camariñas.
• Cerdeimar pechou os actos do 125 aniversario con ilustre compañía.

Fonte

• Redacción de QPC ([email protected]).