Venres. 29.03.2024
El tiempo

Crean as primeiras máscaras sanitarias de encaixe para eventos

Mascaras sanitarias de encaixe
Mascaras sanitarias de encaixe feitas por Esteban Freiría
Crean as primeiras máscaras sanitarias de encaixe para eventos

Segue o encaixe adaptándose aos tempos. E unha proba son as novas creacións do deseñador galego Esteban Freiría: máscaras sanitarias con encaixe de Camariñas.“Esto surxiu da necesidade de poñerse a traballar. Eu vivo nun lugar onde traballo moito para eventos, festas, hoteis... e hai que adaptarse. Desde o primeiro día moitas persoas me chamaban e decidinme por facer máscaras sanitarias. Púxenme en contacto con persoas do sector sanitario que me indicaron a mellor maneira de executar estes traballos”, comenta o deseñador.

O artista vigués afincado en Marbella materializou as súas creacións baseándose en dúas ideas principais: moda nupcial, confeccionada con tela elástica de cor carne, con encaixe bordado e ‘ribeteado’ con encaixe de Camariñas, e motivos florais de latón coa firma de Ana Freiría, a súa sobriña.

O segundo modelo, baseado no etnicismo, está confeccionada con tela vaqueira e adornada con encaixe e contas de madeira. Todos os modelos levan un bolsillo interior para introducir o filtro TNT. Este último, ademais, xa está vendido para clientes galegos.

Cabe destacar que os modelos son todos personalizados, creados de xeito individual para que “ningunha persoa repita modelo”, indica o deseñador.

Novas relacionadas

Comentarios