Esixen que se manteña o servizo de pediatría en Camariñas
Crónico é o problema co servizo de pediatría en Camariñas, como en moitos outros lugares da Costa da Morte. Este ano xa o Concello tivo que mediar co Sergas para conseguir que cubrisen a praza tras 3 meses de baixa do pediatra de turno. Pero segue sen titular o Centro de Saúde de Camariñas en materia de pediatría, e xa levan dende 2019 loitando para que Camariñas teña contando polo menos pediatra 4 horas ao día.
Desta volta é o BNG o que salta a alarma denunciando que “non hai designado un pediatra fixo para o noso concello”, polo “desmantelamento que se levou a cabo na sanidade pública por parte dos diferentes governos que estableceron un limite de reposoción de personal e non aumentaron o número de prazas de formación pediátrica”. “Agora atopámonos con que non hai pediatras”, lamentan, pois “cómpre mudar esta situación e revertir as políticas de recortes aprobadas no seu día”, solicita.
O BNG pídelle ao grupo de goberno (PSO) que “se inicien negociacións coa Consellería competente para conquerir un servizo de pedriatria estable e para que se leven a cabo políticas públicas para garantir que se cubra a praza de pediatria durante todo o ano e durante todos os día do ano”.
Así mesmo, dende o BNG tamén critican “a desfachatez e a falta de sensibiliade do Partido Popular Local que a través do seu representante propuxo propor en pleno a descentralización e traslado deste servizo á localidade da Coruña, privando a todos os camariñáns de ter un servizo vital para as nosas crianzas”.
NOVAS SOBRE OS RECORTES EN PEDIATRÍA
- Marzo 22: Camariñas esixe ao Sergas unha solución urxente ante a ausencia de servizo de pediatría.
- Marzo 22: Pediatras Xa! a ritmo de Tanxugueiras.
- Febreiro 2022: As familias de Dumbría e Muxía volveron saír á rúa tras estar 6 dos últimos 13 meses sen pediatra.
- Álex Peña, o pai muxián que leva os recortes en pediatría polo Camiño.
- Novembro 21: Collendo aire polo Día Internacional da Infancia.
- Novembro 21: Peregrinación e manifestación para loitar contra os recortes na Sanidade Pública Galega.
- Abril 2021: Un himno na loita por un servizo de pediatría digno