Luns. 01.06.2020
El tiempo

Os euroembaixadores do IESP Pedra da Aguia celebran un Día de Europa diferente

Propostas do alumnado do IES Pedra da Aguia polo Día de Europa
Propostas do alumnado do IES Pedra da Aguia polo Día de Europa
Os euroembaixadores do IESP Pedra da Aguia celebran un Día de Europa diferente

Non para nin por corentena o activo IESP Pedra da Aguia da Ponte do Porto. Se ben non puideron celebralo como tiñan pensado, non quixeron deixar pasar a Semana Europea, sen algún tipo de actividade. O pasado 9 de maio foi o Día de Europa, e precisamente ese día deberían ter estado en Brixelas de viaxe.

Ao longo da semana os embaixadores júnior estiveron facendo propostas para conmemorar a data, creando nas súas casas dende un Eurogame de 24 preguntas formuladas nas 24 linguas oficiais da UE; a unha EuroOca coa Caramiña na casilla de saída para percorrer todos os países europeos, as institucións comunitarias, os símbolos da UE e mesmo o BREXIT e o COVID. Entre as ideas máis singulares, que podedes ver no Facebook de Escuela Embajadora Pedra da Aguia, tamén estivo un video ilustrativo do noso infopoint cunha mensaxe de solidariedade cara a Europa.

Seis desas ideas están competindo con outras 24 propostas de escolas embaixadoras galegas nun concurso convocado por Europe Direct A Coruña. A competición pódese seguir precisamente no seu Facebook e gañará o concurso a idea que reciba máis “likes” ata o vindeiro luns 11 a mediodía. Dende o Instituto, a única escola embaixadora galega do rural e a máis pequen, animan a todos os lectores a ver as citadas propostas e darlle o “like” correspondente.

Novas relacionadas

comentarios