Mércores. 20.11.2019
El tiempo

Novo Calendario do SEMESCOM para 2018

Novo Calendario do SEMESCOM para 2018
O Seminario de Estudos da Costa da Morte ven de presentar o seu habitual calendario de mesa, esta vez dedicado ó Río do Porto, é decir o Rio Grande. Calendario 2018 do SEMESCOM Ademais de reivindicar o nome histórico do río, denominado así xa en mapas do séc. XVI, preséntanse doce fotos correspondentes ós diversos tramos do mesmo: no curso alto, onde se chama río Rabiñoso, aparecen fotos das fervenzas e da pontella desta zona; do curso medio aparece o río ó seu paso pola Carballeira da Devesa de Baio, a ponte de Baio, O Mosquetín e a ponte de Torelo en Salto, a ponte de Pasarela en Calo; no curso baixo: o Pozo dos Corvos (Carantoña), a ponte da Ponte do Porto, o muíño de mareas e as Torres de Cereixo e a desembocadura na ría de Camariñas, foto que tamén ocupa a portada e que foi da autoría do falecido Roberto Mouzo. Ademais de Mouzo, as fotos son obra de Evaristo Domínguez, Xan Fernández Carrera, Xosé Mª Lema e Manuel Rial, todos membros do Seminario.

Comentarios