O Faro Vilán representa o aumento de visitantes na Costa da Morte
Non podemos dicir outra cousa. O sector turístico de Camariñas está traballando na boa dirección. Nas últimas datas vimos recollemos experiencias tan positivas como as rutas coas mariscadoras, o revitalización do Faro Vilán como epicentro cultural. Xa, en xuño, apuntaban a actividade cultural no Faro Vilán permitíu aumentar nun 40% o número de visitantes no primeiro semestre do ano.
Un exemplo a seguir, sen dúbida, sobre todo noutro dos puntos máis importantes da bisbarra, un Faro Fisterra que case pecha por vacacións, e que non leva ningunha contabilidade nen serve de punto de información turística decente.
Balance de datos
Agora, neste terceiro trimestre, a Asociación de Empresarios e de Promoción Turística de Camariñas volve facer balance de visitantes, que xa superaron no que vai de ano, a totalidade do ano 2013. Contabilizáronse nestes primeiros 9 meses de 2014, 48.477 visitantes, tendo en conta que certos días é complicado contabilizar todo os que entran e os outros moitos que visitan só o exterior deste maxestuoso faro e as súas vistas.
A maioría dos visitantes son galegos, sobretodo da provincia de Coruña e Pontevedra, seguidos por madrileños e cataláns. En canto ós extranxeiros, seguen a ser os franceses, alemáns e italianos os que máis nos visitan. Aínda que cada vez son máis e dispares as nacionalidades das que se interesan por visitar este rincón de Galicia.
Reflexa así o Faro Vilán a certeza de que durante os últimos anos reflexouse un aumento no número de visitantes a Costa da Morte.
Exposicións en curso
Actualmente na sala de exposicións pódese visitar a 1ª Exposición colectiva de Fotografía de GALIZA B/N que estará ata o próximo 3 de outubro. Consta de 40 obras fotográficas de 40 autores galegos que comparten o gusto polo procesado en branco e negro.
A seguinte exposción será "Do silencio" incluirá pintura, gravado e escultura da artista María Muñoz Conde.
O horario actual de visita é de mércores a domingo de 11:00 a 14:00 e de 15:30 a 20:00 ata o domingo 26 de outubro, que co cambio de hora comezará a pechar ás 19:00h.
Novas relacionadas
- Oficina de Turismo: Pechada por vacacións.
- Ollando unha Galiza en Branco e Negro dende o Faro Vilán.
- Os empresarios de Camariñas reciben axuda para seguir dinamizando o Faro.
- O Cabo Vilán déixase pintar.
- A actividade cultural no Faro Vilán permite aumentar nun 40% o número de visitantes.
- O Vilán, o Faro dos Faros.
- Un ano de actividades no Faro Vilán cos Empresarios de Camariñas.
Máis novas
- De ruta coas mariscadoras de Camariñas.
- Camariñas estreará novas rutas de turismo mariñeiro.
- Coñecendo casos de éxito do turismo mariñeiro.
- Os hostaleiros de Camariñas crearán un menú mariñeiro propio.
- Camariñas crea unha Rede Turística para unir o sector hostaleiro.
- Illados, unha nova documental sobre a idiosincrasia da Costa da Morte.
- Redacción de QPC ([email protected]).
