O PP de Camariñas vén de demostrar o seu total rexeitamento á "actitude dictatorial e prepotente" do alcalde camariñán - Manuel Valeriano Alonso - que segundo os populares mantivo no pleno extraordinario celebrado o pasado martes día 20. Un pleno extraordinario solicitado polo PP para "solucionar dunha vez por todas a situación ilegal que se vive no concello" tras a que condena ao rexedor a 4 anos de inhabilitación. Un pleno que, segundo indican os populares, durou 9 minutos o cal para eles demostra "o pouco respecto que teñen aos veciños". "Camariñas nestos momentos é máis parecido a unha pequena Venezuela que a un pobo da Costa da Morte; un pleno onde el mesmo lle prohíbe á Secretaria a pronunciarse, a pesares de estar recollido esa pronunciación no 2o punto da orde do día, e igualmente a oposición", indican dende o PP. Informes Dende o PP indican que o rexedor presentou en dito pleno un informe feito por un catedrático de Dereito Constitucional - que foi Ministro de Xustiza anteriormente -. Os populare entenden que dito informe debe obrigalo a cumprir a lei en lugar a "acompañalo a que siga infrinxindo a lei". "Hai informes superiores e xurisprudencia dabonda que defenden a liña seguida pola Secretaria, e que será lóxico que siga sendo a que marcou no seu escrito tal e como se desenrolou o pleno, e onde os informes de parte e pagados polo Sr. Valeriano nunca poden ser “superiores” aos feitos pola funcionaria principal do concello", indican dende o PP de Camariñas. Segundo sinalan os populares "a Secretaria establece no seu escrito que unha vez feita a toma de coñecemento /constatación polo Pleno da sentenza e que o inhabilita por 4 anos, éste pasa a deixar de ser cargo público por incompatibilidade sobrevenida, e automáticamente a Secretaria remite certificación a Junta Electoral Central para que sexa nomeado o seguinte na lista electoral do PSOE en sustitución do Sr. Valeriano que perdeu este 20 de xuño as 21,10 h. a súa condición de Alcalde e concellal, en virtude de Lei".  

Novas relacionadas

• 12-06-17: O Grupo Socialista de Camariñas pecha filas con Pichurri ante as reiteradas críticas da oposición
• 08-06-17: O PP de Camariñas insiste na dimisión de Pichurri.
• 29-05-17: Camariñas divídese ante a inhabilitación de Pichurri
• 25-05-17: Convocan unha concentración para apoiar a Pichurri.
• 24-05-17: O PP de Camariñas pide á Secretaria municipal que actúe sobre a inhabilitación do alcalde.
• 12-05-17: O PP de Camariñas esixe suspender do cargo de alcalde a Pichurri tras a condena de catro anos de inhabilitación
• 09-04-17: Esixen a inmediata dimisión de Pichurri como alcalde de Camariñas
• 08-04-17: Pichurri, condenado a 4 anos de inhabilitación por prevaricación.
• Decembro 2016: Operación Orquesta: Aberto o xuízo oral para 6 dos acusados ceeses.
• 2011: O alcalde de Camariñas aos xulgados pola contratación por parte do Concello dos seguros da súa empresa.

Máis novas

• Febreiro 2016: A UDEF ve indicios delictivos do alcalde de Camariñas na Trama dos Seguros.
• 2015: Por que non nos importa a imputación dos nosos candidatos á alcaldía?.
• 2014: Unha vintena de políticos imputados na Costa da Morte.

Fonte

• Redacción de QPC ([email protected]).
• PP de Camariñas