Confradia de Laxe O Boletín Oficial da Provincia publicou onte a concesión de subvencións de fomento pesqueiro dirixido ás confrarías de pescadores da provincia da Coruña para financiar as súas actividades durante o ano 2016. Entre elas atópanse oito situadas na comarca. Tres confrarías bergantiñás recibirán a suma de 33.402 €. Trátase da Agrupación de Mariscadoras do Esteiro de Anllóns (7.496 €), e das confrarías de pescadores de Laxe (10.966 €) e de Malpica (14.940 €), que poderán sufragar gastos de persoal e axudas para a vixilancia. Na comarca de Fisterra tamén foron tres as confrarías subvencionadas : Nuestra Señora de las Arenas de Fisterra (12.975 €), Corcubión (9.956 €) e Virgen de la Barca de Muxía (19.948 €). En Terra de Soneira, as subvencións irán ás confrarías de pescadores de Camariñas (19.978 €) e de Camelle (21.980 €). Todas elas utilizarán as axudas para sufragar gastos de persoal e de funcionamento. O deputado responsable da área de Promoción Económica, José Luís García, destacou a importancia destas axudas para apoiar ás agrupacións de pescadores “un sector estratéxico e fundamental para a economía da nosa provincia como é o da pesca”. En totoal son 26 as confrarías da provincia da Coruña as que recibirán un total 409.162€ cos que sufragarán gastos de persoal e de funcionamento. As sumas outorgadas varían segundo os orzamentos presentados polas propias confrarías. Novas relacionadas

• A Deputación destina máis de 11.000 euros á confraría de Corme

Fonte

• Redacción QPC (info@quepasanacosta.com)
• Deputación