Martes. 27.09.2022
El tiempo

Remolcan un veleiro que quedou sen timón tras un encontro con orcas

  • Aumenta a interacción coas candorcas na Costa da Morte.
  • O CEMMA sinala a sorte que temos de poder divisar estes belos animais nas nosas augas.
Rescate dun veleiro en Camarinas
A Salvamar Altair remolcando un veleiro en augas de Camarilas
Remolcan un veleiro que quedou sen timón tras un encontro con orcas

Estas semanas está habendo numerosas interacción con orcas (ou candorcas) nas augas da Costa da Morte. Se o ano pasado apenas eran 3 individuos os que se achegaban as embarcacións, este ano dende o CEMMA teñen rexistrado ata 14 individuos que están protagonizando encontros entre a zona de Lisboa, e mesmo ata a costa francesa.

O normal é que non pase nada, pero non lle aconteceu así a este veleiro que quedou sen timón polo encontronazo coas devanditas orcas, e tivo que ser remolcado pola Salvamar Altair preto de Camariñas.

Así, só dende comezo de agosto teñen rexistrado interaccións en Laxe, Camariñas, Muxía, Fisterra e mesmo en Carnota.

Mapa de interaccion coas orcas na Costa da Morte agosto 2022
Mapa de interaccións coas orcas na Costa da Morte neste agosto de 2022

Os expertos aínda non saben o por que deste comportamento, pero recomendan non facer nada, parar o motor e deixar que se cansen, pero nunca incordialas, que o único que pode conseguir é cabrealas máis.

Dende o CEMMA invitan a analizar a situación dun xeito positivo: "Somos uns privilexiados por poder desfrutar das candorcas e das baleas, e a solución a estas interaccións con veleiros virá da investigación dos especialistas e non da criminalización ou de solucións salvaxes que de seguro algúns teñen en mente" .

Lembren, para comunicar calquera emerxencia na mar, ponte en contacto con #SalvamentoMarítimo no 900 202 202, ou no 112 ou polo Canal 16 VHF.

Novas relacionadas

comentarios