Non para o mar de dar conta da súa bravura. Despois do temporal de mar da pasada semana, cun naufraxio por Muros incluído, esta semana xa tivo que poñerse Salvamento Marítimo a traballar, por causas, en todo caso, alleas ao mar. E mentres Galicia olla cara Corrubedo, onde seguen buscando aos tripulantes do Paquito 2.

Pero esta mañá de mércores 17 de decembro, o mar camariñán provocaba outro pequeno naufraxio. Segundo informan os diarios locais Camarinas.eu e Diario Camariñán, unha pequena embarcación “Rosal”, con base en Santa Mariña, sufría un envorco mentres traballaba na zona do porto, precisamente pola forte mar, e os seus dous tripulante acababan mollándose. Afortunademente foron rescatados de contado por outra embarcación.

Iso si, os danos materiais non llos quinta ninguén.

Novas relacionadas

• 16-12-14: Salvamento Marítimo consegue rescatar ao capitán dun remolcador preto do Cabo Vilán.
• Superando o primeiro temporal de mar.
• 13-12-14: Rescatados os tripulantes do Pesqueiro Camarón na ría de Muros.
• A do Vilán, a onda máis alta da historia.
• 07-01-14: O mar de fondo deixou estampas impresionantes na Costa da Morte.
• 09-09-14: As praias de Soesto e Laxe volveron colocar a Costa no centro do surf galego.

Fonte

• Redacción de QPC (info@quepasanacosta.gal).
• Camarinas.eu.
• Diario Camariñán.