Unhas veciñas de Camariñas, as heroínas de Salvacadelos
20:45 14/10/10
Esta que traemos hoxe a Salvacadelos é unha historia ben fermosa. Esta camada naceu dunha gatiña que vive na rúa en Camariñas. Entre varias veciñas danlle de comer e coidan dela, como ocorre en centos de rúas e campos da bisbarra.
Tanto cariño lle colleron ás veciñas que agora, entre todas, van a pagar a operación de esterilización da gata.
Non estiveron a tempo de todo, e xa tivo unha preciosa camada de gatiños lindísimos. Son ademais moi boíños, algo inusual tendo nacido na rúa. Tan bonitiños que son que as mamás da Clínica Veterinaria Argos de Cee e Salvacadelos xa lle atoparon familia a estas 3 femias e un macho.
