Xa hai 3 detidos pola malleira nocturna na Ponte do Porto
09:15 27/01/12
A pasada fin de semana, a noite festeira da Ponte do Porto acababa de xeito tráxico. Un veciño de Braño (Vimianzo), de 34 anos, foi apaleado e remataba no Hospital da A Coruña en estado de coma. Unha brutal paliza na discoteca Pipol o mantén no fío da morte.
A pasada mañá a Garda Civil detiña a 3 irmáns de Camariñas como supostos autores da malleira. O silencio na vila palilleira faise patente xa que os tres irmáns, membros da coñecida familia Lin, son moi coñecidos na zona.
Os 3 irmáns detidos, dous homes e unha muller, xa están a disposición xudicial.
