Esta fin de semana o colectivo Senda Nova volvía facer unha das súas rutas de Primavera. Unha xornada fermosa, de coñecemento e desfrute do noso patrimonio natural polos camiños de Aldemunde, Carballo.

A gran parada desta senda, que levan percorrendo anos, é o Bosque Atlántico da Ribeira da Pena. Situada na Toural, na parroquia de Rodís, é “unha das máis importantes de toda a Costa da Morte”. Pero é ao mesmo tempo “un dos espazos de interese en perigo extremo de desaparición”, sendo o colectivo.

”Eólicos, talas e plantacións de eucaliptos poden rematar cun dos mellores bosques da bisbarra”, sinalan, ao recoñecer “novas e insensibles plantacións de eucalipto que están a arrasar esta xoia da nosa bisbarra a un ritmo frenético que, senón ten volta atrás rematará coa fermosa historia do bosque encantado”.

A fermosa ruta remata nun dos castros máis importantes da bisbarra, o de Aldemunde, e na Pedra Moura, ese dolmen que é capaz de incluír a Carballo no futuro Parque do Megalitismo. O lamentable é que incluso os dous espazos arqueolóxicos están escoltados por plantacións de eucaliptos.

Novas relacionadas

• 8 saídas e case 200 puntos de interese patrimonial na Primavera en Ruta de Senda Nova.
• Boca de Sapo espalla a reforestación de bosque autóctono en fincas municipais.
• Denuncian o grave impacto dos novos eucaliptais na Devesa do Anllares.
• 2017: A importancia do Bosque Auténtico, nun novo vídeo de Signatus Films.