Segue a pioneira Escola Municipal de Cociña do Forum de Carballo acollendo novas sesións formativas. Desta volta unha vintena de alumn@s participan no Curso de Cociña que organiza o Concello no marco dun Plan de Emprego da Xunta no que tamén se está impartindo un curso de soldadura e van empezar os de carpintería e electricidade.

Neste caso, no de Cociña, o alumnado aprende unha profesión moi demandada na comarca, como se reflicte nos novos cursos que vai acoller o Forum no marco do plan formativo do sector turístico da CMAT durante o mes de febreiro.

Durante o día de onte, asistiron a unha clase moi especial con Alberto, un afiador de Rianxo, que utiliza pedras xaponesas, que, segundo explicou, danan menos os coitelos.

A sesión afondou na importancia de ter os coitelos ben afiados para traballar máis rápido e con menor esforzo. Deixou claro que facer un mantemento diario é moi beneficioso e explicou tipos de coitelos, follas, pedras e sistemas de afiado.

Outras novas formativas

• O Obradoiro de Emprego carballés forma en materia de atención.
• A Xunta valora a aposta de formación para o emprego no Fórum Carballo.
• 2020: Un sistema de soldadura pioneiro para o taller formativo de Soldadura do Forum.
• 2019: O Forum Carballo encende os fogóns e a serra da formación.
• 2017: Carballo abre unha pioneira Escola de Hostalería.