Fantástica a mestura que se vai dar os martes de 18.30 a 20.30 horas na Aula CeMIT de Carballo. Estreando as novas impresoras 3D achegadas pola Xunta, arrincaron unha serie de talleres nos que participan desde nenos e nenas de 10 anos ata adultos de distintas décadas.

O obradoiro, impartido por Jorge Cebey, continuará ao longo de todo este mes, sendo a segunda tanda para o mes de febreiro.

Máis cursos e xornadas

Ademais deste curso, todos os martes e mércores pola mañá desenvólvese a escola de informática para maiores de 60 anos, na que participan corenta veciños e veciñas do noso concello desde setembro ata finais de maio.
Para este venres está prevista unha xornada de gravación de voces no marco do Proxecto Nós, na que todo o mundo pode participar achegándose ao Pazo da Cultura de 10.00 a 14.00 e de 16.00 a 20.00 horas ou aquí.
E o día 15, tamén en colaboración coa Xunta de Galicia, celebrararán unha xornada sobre ciberseguridade para a que poderás inscribirte a partir do luns 11 no Fórum Carballo (oficinas municipais, 2º andar).