Albíscase un 2019 movido en materia feminista, despois do histórico 2018, no que as mulleres do mundo secundaron unha completa folga (laboral, estudantil, de coidados e de consumo) do 8 de marzo.

Así, xa co 8 de marzo, Día da Muller Traballadora, xa no punto de mira neste 2019, as dúas entidades da bisbarra buscan sumar sinerxias con outros colectivos. Para iso convocan sendas xuntanzas abertas con entidades da zona facendo un chamamento de unión.

Xuntanza en Cee

As mulleres da Organización feminista Buserana queren facer un clar chamamento á sociedade, e convoca ás entidades da nosa terra e mais as persoas interesadas en formar parte da mobilización do vindeiro 8 de marzo a unha xuntanza este xoves 31 de xaneiro, ás 20.15 horas, no local de Buserana (Agra vello, 2º andar, Cee) co fin de artellala en conxunto, sumando forzas, e deixando ver que cos dereitos das mulleres non se negocia.

As buseranas convocan así ás entidade: “Á par dos nosos pasos percíbense claros sinais dun intento de retroceso, tan perigoso coma inadmisible: cuestionamento dos nosos dereitos, violencias que fican impunes, feminización da pobreza, precariedade e desigualdade laboral, ... Ante isto, dende Buserana facemos unha proposta, dirixida a todas as entidades e axentes sociais: organizar con nós unha manifestación en Cee, o 8 de marzo, baixo o lema decidido na plataforma8m "Por todas as mulleres, por todos os dereitos, revolta feminista”.

Xuntanza en Carballo

Tamén se organiza o Círculo Feminista de Carballo, que convoca a primeira asemblea aberta non mixta destinada á organización da xornada do vindeiro 8 de marzo. A cita será o 1 de febreiro ás 18:30 h terá lugar, no Casino1889 (Carballo), e están invitadas a todas as veciñas da comarca pertencentes ou non a partidos, sindicatos e/ou asociacións.

Esta asemblea servirá como toma de contacto entre aquelas interesadas en formar parte da organización da xornada de folga e manifestación, escoitando e valorando as propostas que alí se presenten.

Novas relacionadas

• Xaneiro 19: As Buseranas non dan #Ninunpasoatrás.
• Xaneiro 19: Buserana alza a voz ante a utilización política dos dereitos das mulleres.
• Xaneiro 2019: Carballo volveu berrar #contraasviolencias tralo primeiro asasinato de 2019 e a volta á liberdade da Manada.
• Novembro 18: Buserana cumpre 18 anos de loita feminista cun agasallo en forma de local.
• “No momento no que tomas consciencia de que estás sendo vítima da violencia machista, a saída está en solicitar apoio”.
• “Ata que non teñamos claro que a prostitución, así como a explotación e trata sexual, son violencia de xénero, non avanzaremos na concienciación social”.
• As Buseranas pechan un histórico 2018 na loita feminista na Costa da Morte.
• Viki Rivadulla: 25N, isto tamén vai contigo.
• Marzo 18: #8demarzo: A Costa da Morte saíu á rúa con máis forza ca nunca.
• Marzo 18: Como secunda a Costa da Morte a folga feminista?.