As Atlánticas de Viki Rivadulla invaden o Espiral Maior Foro

Xa está, aberta ata o 9 de novembro, a exposición "Atlánticas. Mulleres do nordés” na Galería de Espiral Maior Foro de Carballo. Os espectaculares cadros das mulleres de Viki Rivadulla xa locen nun dos novos centros culturais de Bergantiños.

Esta pasada fin de semana celebrouse a inauguración, e a artista muxiá estivo acompañada polo poeta Miguel Mato Fondo e as poetas, Laura Pasandín e Teresa Ramiro.

O promotor Miguel Anxo Fernán Vello define á artista como “todo un paradigma de oficio artístico en acción e unha fonte crecente de potencia pictórica expresiva no figurativo e no simbólico: as súas mulleres "mariñeiras" son xa un "símbolo" en si mesmas”).

A exposición pode visitarse na Espiral Maior Foro de Carballo (Rúa do Sol, 34), de 11 a 14 h. e de 17 a 20:30 h.

Novas relacionadas

Artigos de Viki Rivadulla en QPC