O almanaque 2024 de Carballo en clave de emocións
Maternidade en solitario, parellas homosexuais, avoas, familia, amizade, amor, coidados... o almanaque 2024 de Carballo está cheo de emoción.
Así o presentaron esta fin de semana na Bibioteca Rego da Balsa, da man da concelleira de Bibliotecas, Arquivos e Normalización Lingüística, Ángeles Pacoret; o alcalde, Evencio Ferrero, e o fotógrafo carballés Marcos Rodríguez, autor das imaxes que ilustran o almanaque do 2024. Marcos amosouse moi orgulloso do traballo, “porque eu son de Carballo, é o meu pobo e alá onde vou lévoo no sangue, por iso me fai especial ilusión”, dixo.
“Os pobos fórmanos as persoas, e en recoñecemento a toda a xente de Carballo faise esta síntese dos distintos apegos e dos distintos afectos que pode haber nunha sociedade. E neste calendario podes ver mes a mes como aparecen persoas que sodes o presente e o futuro de Carballo”, comentou o alcalde, que, ao igual que a concelleira, expresaron a súa admiración polo traballo e Marcos Rodríguez e agradeceron a colaboración de tantos veciños e veciñas, “que sodes os auténticos protagonistas”.
