Xoves. 28.03.2024
El tiempo

Denuncian que o Centro de Saúde de Carballo traballa con 5 enfermeir@s menos en plena pandemia

Concentracion no Centro de SAude de Carballo
Imaxe dunha Concentración no Centro de Saúde de Carballo en 2019
Denuncian que o Centro de Saúde de Carballo traballa con 5 enfermeir@s menos en plena pandemia

Son eternos os problemas de recortes no Centro de Saúde carballés. Levan anos os seus sanitari@s saíndo á rúa para protestar, e desta volta é a CIG a que alerta de que o centro conta 5 enfermeiras/os menos, 4 na quenda de mañá e 1 na quenda de tarde, “ao non substituírse as ausencias dos e das profesionais titulares”.

”Unha situación que se dá en plena pandemia, estando o concello de Carballo no nivel máximo de alerta ao superar os 250 positivos por COVID por cada 100.000 habitantes, cunha sobrecarga de traballo habitual á que hai que engadir cada vez máis tarefas como a realización agora dos tests de antíxenos”, lamenta Xoán M. Sande Muñiz, Delegado Sección Sindical de CIG-Saúde.

O larachés considera que “esta situación non se pode permitir, que é absolutamente impresentábel e que xa está ben de que nos centros de saúde se teña que continuar asumindo cada vez máis traballo con menos persoal”. “Que pretende a Dirección desta Área Sanitaria?”, pregúntase. “Que traballos debe deixar de facer o persoal de enfermaría cando é imposíbel facelo todo?”.

Comentarios