Venres. 29.03.2024
El tiempo

As entidades sociais de Bergantiños piden o X Solidario para a Declaración da Renda

acto XSolidario220422
As entidades sociais debullaron un X Solidario na Praza do Concello de Carballo
As entidades sociais de Bergantiños piden o X Solidario para a Declaración da Renda

Chega o mes de maio e toca facer a Declaración da Renda. E as entidades sociais mobilízanse ante a importancia de que as familias cubramos o X Solidario, un pequeno detalle que lles permitirá facer moitísimas cousas.

Por iso, Íntegro, APEM, A Xunta Local da Asociación contra o Cancro, a Cruz Vermella de Carballo e a Agrupación Deportiva Un Paso Máis xuntáronse este pasado venres na praza de Carballo para facer a presentación da campaña “XSolidario2022”, un acto simbólico e reivindicativo convocado para apelar á solidariedade das persoas contribuíntes coa intención de que este ano sexan moitas máis as que marquen o recadro 106 de “Actividades de Interese Social” na súa declaración da renda.

Desde Íntegro destacaron que “non se trata dun acto nin dunha campaña máis, senón que é un chamamento de auxilio fronte á grave emerxencia sanitaria e social que estamos a padecer tras a pandemia, a crise económica e social, a inflación, a guerra de Ucraína,...”.

Lembran, que grazas ao X Solidario, en 2021, 141 organizacións galegas lograron levar a cabo máis de 500 proxectos sociais, dos que se beneficiaron máis de 105.000 persoas. E poderíanse ter recadados 13 millóns de euros máis coa colaboración dos 610.363 galegos/as que non elixiron esta opción.

Un pasiño máis na loita do Terceiro Sector Galego contra a pobreza e a exclusión social.

X solidaria Bergantinos
O X Solidario de Íntegro

Novas relacionadas

Comentarios