O xoves, 18 de maio, en Espiral Maior Foro (Rúa do Sol, 34), ás 20:00 h., terá lugar en Carballo a presentación do libro “Os cadernos escolares da II República”, dos historiadores e profesores Miguel Paz Cabo e Víctor Santidrián, un documento único sobre a pedagoxía galega nos anos da Segunda República.

Publicado pola editorial Alvarellos, a obra parte dos cadernos escolares do mestre de Teo (A Coruña) Bernardo Mato Castro, elaborados polo seu alumno Antonio Rial Gallego, o que permite coñecer o traballo desenvolvido nas aulas naquela altura histórica e particularmente os métodos de innovación no eido educativo.

Estarán presentes no acto, de indubidábel interese para o mundo do ensino e a memoria histórica, os dous autores da obra, xunto co escritor e director de Espiral Maior Foro Miguel Anxo Fernán Vello.