Hoxe, venres, día 21 de febreiro, ás 20:00 h., terá lugar en Espiral Maior Foro (Rúa do Sol, 34) a presentación da novela “Galizan Nation (uma distopia kpop)”, da que é autora Isabel Rei Samartim.

Participarán no acto, ademais da autora, o profesor de Lingua e Literatura Xavier Canosa, a nosa Eva Patinho e o escritor e director de Espiral Maior Foro Miguel Anxo Fernán Vello. 

Isabel Rei Samartim é profesora do Conservatorio de Santiago de Compostela, investigadora no eido da musicoloxía con diversos traballos publicados e recoñecida concertista de Guitarra cunha importante proxección internacional.

No transcurso do acto Isabel Rei Samartim ofrecerá un breve recital de ‘guitarra galega’.