Nonaut dá vida ao seixo no Garabato
![Exposicion de Nando Pereiro en Garabato Carballo](/asset/thumbnail,992,558,center,center/media/quepasanacosta/images/2023/07/10/2023071012431353363.jpg)
Quedou pequeno o Estudo Garabato de Carballo para a inauguración na sesión vermu deste domingo da exposición “Seixo, amatistas e puntas de vidia”, de Nando Pereiro. O artista santiagués presentou esta mostra baseada neste mineral duro, que cristaliza en fermosas variedades afumadas ou veteadas.
Durante anos o escultor Nando Pereiro (Nonaut) percorreu varios destes afloramentos entre as cidades de Compostela e Carballo para achar neles o material do que están feitas as obras que conforman esta exposición. Dos durísimos fragmentos e xeodas que atopou naqueles lugares, algúns deles antigamente explotados polo home, procede esta colección de personaxes heteroxéneas, que gardan no seu interior a enerxía latente do evento ígneo que deu lugar á formación do seu mineral matriz”. “Son xeomorfos intervidos pola mente do artista na procura do equilibrio dentro do caos, da sutileza alén da ironía, do autóctono en danza co universal”.
A expo está visitable ata o 31 de agosto.