Pantallas solidarias para a familia de Vieiro
![German Tojeiro leva pantallas solidarias a Vieiro](/asset/thumbnail,992,558,center,center/media/quepasanacosta/images/2020/04/22/2020042208090377571.jpg)
Nova demostración de solidariedade a que vén de vivir a vila de Carballo. Un grupo de comprometidos veciños formado por Germán Tojeiro, Carolina e Víctor, Primitivo, César, Ana e Abel, ou Marga, están enchendo de máscaras a vila. Aproveitando o confinamento e as ferramentas que posúen en forma de impresoras 3D, plásticos, deseño… están creando de xeito altruísta unha serie de pantallas de protección cómodas e eficientes para frear a pandemia.
Unha das últimas doazóns foi na familia de Vieiro. Germán Tojeiro levoulle varias pantallas de autoprotección para que a entidade mellore o seu protocolo de autoprotección, adaptando as súas instalacións con tabiques de protección e o correspondente Epis para a posta en marcha dos seus servizos presenciais, para salvagardar ao seu persoal e directivos. Esta contribución das pantallas compleméntase aos medios xa adquiridos por Vieiro.