Desenvólvese en Razo a Cabreiroá Junior Pro Razo 2024. E faino con varias frontes abertas. No mar, as boas ondas (un metro) especialmente durante a pleamar, permitiron avanzar nas roldas 96 e 64 en categoría masculina ata a manga 10. 
Xa na primeira xornada os coruñeses Manuel Fernández e Sebastián Baamonde, en categoría masculina, e Daniela Alonso (Vigo) e Lucía Martínez Bermúdez (Viveiro), entre as mozas, foron os catro gañadores do Open Galego do Cabreiroá Junior Pro Razo.

Pero o surf continúa  ao longo do venres e do sábao cada vez con máis nivel internacional, no marco da proba da Wordl Surf League.

VISITAS ESCOLARES E SURF INCLUSIVO 

A outra arista da proba é a da visibilización. Xa co surf asentado en Carballo como referente e como motor económico, estas xornadas están servindo para achegar o deporte a más de 120 escolares de dous centros educativos de Carballo. Con aproximación ao mundo do surf e dos deportes de auga que poden descubrir o potencial da súa costa, coñecer mellor as súas praias  e interactuar cos participantes dunha ducia de nacionalidades, de Xapón a República Checa, Suíza, Alemaña ou Bélxica. 

Na mañá do xoves, a primeira quenda abriuno un grupo de alumnos de Infantil e Primaria (CEIP) de Nétoma Razo en Carballo, con medio centenar de escolares que pasaron polos Espazos Corresponsables -promovidos pola Dirección Xeral de Promoción dá Igualdade dá Xunta-  e a pista de skate na súa visita ao Cabreiroá Junior Prol Razo 2024. 

Pola tarde, nunha experiencia inmersiva: bautismo de surf para 15 nenos da asociación Un Paso Mais, unha asociación deportiva e cultural para nenos con TEA ou distintos trastornos ou discapacidades que avogan polo deporte inclusivo e adaptado.

Os pequenos, algúns de moi curta idade, probaron a enfundarse o neopreno e entrar en contacto co mar compartindo espazo cos novos surfeiros en competición.
Este venres 27, o Cabreiorá Junior Prol Razo espera a visita doutro nutrido grupo de escolares, –en torno a 60- , esta vez, do colexio CPR Artai, fomentando a relación entre o evento e a comunidade local que o acolle.