Un susto en forma de incendio nun local comercial da Rúa Sol de Carballo

Este mediodía, arredor das 13:45h, saltou a alarma no baixo da Rúa Sol, nº41, en Carballo. A instalación eléctrica dun local comercial, unha floristería, prendía. Non houbo moito lume, pero provocou a inundación de fume de todo o local. Os Bombeiros conseguiron localizar a orixe do suceso, que era unha luminaria tipo barra fluorescente, a cal quedou queimada por completo, pero o lume non se propagou. Non houbo danos persoais e os danos materiais foron escasos.