Emotivo foi o acto de descubrimento da placa da nova rúa dedicada ao Médico Eduardo Mariño, situada na contorna do Centro de Saúde de Carballo, e que no futuro ligará coa glorieta que nestes momentos se está construíndo na Avenida de Razo, a carón do Centro Comercial Bergantiños.

Foi a súa viúva, Amelia Callejo de Hoyos, a encargada, acompañada da familia, de destapar a placa nun sinxelo acto no que tamén estiveron presentes amigos do finado, así como representantes de todos os grupos da corporación. A filla do homenaxeado, Mónica Mariño, quixo agradecer este recoñecemento para o seu pai, falecido hai 15 anos, especialmente tamén pola situación da rúa.

A de Eduardo Mariño comparte zona con outras rúas dedicadas a médicos ilustres como Ramón y Cajal, Gregorio Marañón ou Severo Ochoa.

Novas relacionadas

• As colas aumentan no Centro de Saúde de Carballo.
• A falta de substitucións aumentan as listas de espera no centro de saúde de Carballo.
• A CIG alerta ante ao posible desmantelamento das especialidades no Centro de Saúde carballés.
• A privatización do Sergas.
• A Unidade Asistencial de Drogodependencias de Carballo seguirá en marcha.

Fonte

• Concello de Carballo.