A Variante de Carballo comezará a ser unha realidade en 2020
16:12 09/08/19
A conselleira de Infraestruturas e Mobilidade, Ethel Vázquez, mantivo hoxe unha reunión co alcalde de Carballo, Evencio Ferrero, na que lle trasladou o compromiso da Xunta de reservar nos Orzamentos de 2020 a partida necesaria para impulsar a variante deste municipio.
Vázquez Mourelle explicou que se prevé avanzar nesta infraestrutura dividindo a súa execución en dous treitos, cun investimento autonómico duns 30 millóns de euros. A Xunta está a traballar para poder iniciar as expropiacións o vindeiro ano.
