A Axenda Costa da Morte mira con tristura o fin do verán. Pero aínda quedan un par de citas ineludibles con dous festivais claves da Costa da Morte. Xa coñecemos o cartel do XiriaPop, e hoxe cambiamos pop por caña, e cambiamos Carballo por Lariño. Alí, no Campo de fútbol, celebrarase o Asaghieiras Master Festival o vindeiro sábado 17 de setembro dende as 12:00h.

Serán 24 horas completas de festa, con 12 grupazos, churrasco, dj e múltiples actividades. O churrasco comezará a saír da brasa a sobre as 12:00h, hora á que empezarán os pasarrúas de música tradicional, os xogos populares, os palcos espontáneos e o Obradoiro do Novo Circo de Santiago para os máis pequenos.

Maratón de músicas

A música chegará a partir das 16:00h, cunha espectacular traca de 12 grupos. Haberá un parón ás 0:00h, para que o Bruxo da Costa da Morte nos leve de Queimada. Pero polo resto, ata que o corpo aguante, i é que Dj Berro non deixará que pare a música ata a mañá do domingo...

Estas son as bandas participantes:

• Inexperience- Tributo a Jimy Hendrix.
• Sozios a la fuerza - Tributo a la Polla Records dende Muros.
• Terbutalina -muradáns que veñen de sacar un novo disco.
• Kolision frontal - Outra banda muradá de rock.
• Filloas on The Stone, boas versións dende Carnota.
• Alykea.
• Os Miúdos.
• Bolldozers.
• Comando robalisa, punk dende Portosin.
• The zipper.

De toda a organización, coma sempre, encárganse oos rapaces da ACDR As Asaghieiras, que conta coa colaboración da Asociación Relápago de San Mamede e o Concello carnotán.

Máis información

• Evento de Facebook do Asaghieras.
• Axenda Sonora da Costa da Morte.
• Escolma de bandas costeiras – A Axenda Sonora da Costa da Morte segue crecendo.

Novas relacionadas

• Carballo pon cara de POP.
• Terbutalina saca un novo disco Broncodilatador.
• Primeira aparición da Real Orquestra Fortuita da Costa da Morte.

Máis novas festivaleiras

• Festa Folk na Fin do Camiño 2011: A Anchoa sacou os cen pés a bailar.
• Asalto 2011: Os irmandiños volveron recuperar o poder do Castelo de Vimianzo.

Fonte

• Redacción de QPC (info@quepasanacosta.gal).