A Consellería de Traballo e Benestar da Xunta vén de informarnos da posta en marcha no mes de setembro de varios cursos e obradoiros dirixidos aos mozos e ás mozas a través do programa Activa. As xornadas desenvolveranse, no que se refire á Costa da Morte, únicamente no concello de Carnota. Baixo o título Emprégate, estas xornadas procurarán a mellora da empregabilidade da mocidade, achegando as ferramentas axeitadas para atopar un emprego. Segundo explican dende a Xunta, tratarase de que os participantes acaden unha idea clara do que é o mercado laboral, das oportunidades das que se dispoñen en tempos de crise, o xeito de elaborar un curriculum ou como afrontarse a unha entrevista de traballo. Tamén se pretende que a mocidade descubra o programa Emprende da Dirección Xeral de Xuventude. Beneficiarios dos cursos Os destinatarios destas xornadas serán os menores de 30 anos, ademáis de técnicos locais de emprego, animadores e animadoras xuvenís, concelleiros e concelleiras, e asociación. Para máis información hai que dirixirse á web xuventude.net.

Novas relacionadas

• Atopados catro mozos no Monte Pindo con síntomas de hipotermia.
• A estafa das Marabillas Naturais de Galicia chega ao Parlamento.
• Prouxiarado: Estafáronnos coa paisaxe?.
• O Monte Pindo, nun concurso para escoller marabillas naturais.

Fonte

• Nota de prensa da Xunta de Galicia.
• Redacción de QPC (info@quepasanacosta.gal).