A Lenda da Raínha Lupa ten a súa realidade día a día na agra de Quilmas. Alí, os membros da Cooperativa de Agricultura Ecolóxica fai que a súa maxestade baixe do Olimpo Celta cada mañá para sachar nas completas hortas onde a Xunta e a empresa Stolt Sea Farm queren ampliar as súa piscinas con rodaballo.

Na loita seguen os veciños da pequena aldea de Quilmas, que seguen a preferir trigo a rodaballo. Para manterse vivos levan artellando 7 mercados ecolóxicos en 7 meses. O desta de fin de semana será a 3ª edición deste Mercado Ecolóxico-Tradicional "Pola Defensa da Terra" de Quilmas, xa case convertido en referente por selo único mercado ecolóxico de toda a Costa da Morte, facendo do consumo responsable unha realidade na nosa bisbarra.

Limpando ríos

Ademais a fin de semana completarase o domingo 2 de outubro, coa participación na IV Limpeza Simultánea de Ríos, actividade enfocada á concienciación cidadá cara o voluntariado medioambiental. O percorrido escollido, polo monte de Carnota, é de gran beleza e merece a pena coñecelo.
A Limpeza, enmarcada no Proxecto Ríos, desenvolverase en 30 puntos do país, entre o dos veciños de Muxía.

Programa do Mercado Ecolóxico de Quilmas "Pola Defensa da Terra"

Sábado 1 de outubro

Abrirá o sábado ben cedo, a partir das 10:00h, co Mercado ecolóxico tradicional de hortalizas, mel, alimentación ecolóxica e artesanía de proximidade. Estará aberto ata a tardiña, con parada para o xantar.
Ademais haberá momento para a Degustación de diferentes variedades de tomate e mel. A Música estará presente durante todo o día, e haberá diferentes postos informativos de asociacións que defenden o territorio, promoven a biodiversidade e fomentan o consumo responsable.

Ademais, hai a posibilidade de facer o xantar na feira, na Barra da Raínha Lupa con produtos biolóxicos e naturais, xa que haberá un pulpeiro e diversos postos con empanadas, e outros produtos caseiros...

Domingo 2 de outubro

A partir das 10:30h unha expedición sairá dende Quilmas para realizar a limpeza dun tramo do río de Vadebois, a actividade terá unha duración de 2 horas aproximadamente. Esta xornada rematará na Lagoa de Caldebarcos onde, conmemorando o día mundial das aves, realizarase un avistamento de paxaros nesta marisma.
Desta volta, a entidade coordinadora en Carnota é ADEGA Costa da Morte e, para acudir, precísase de facer unha inscrición previa través dunha chamada ao 697.364.124.

Postos para o 3º Mercado Tradicional Ecolóxico do 1 de outubro

Produtos da horta

• Dolores (Teo)- Hortalizas e roquillas.
• Xulio e Belén (Cambre)- Respostería, pemento do couto, empanadas.
• Raínha Lupa (Quilmas)- Hortalizas, mel, fariñas e pan, conservas e aromáticas.
• Senra SCG (A Estrada)- Horta e mel.
• Millo e Landras (Vilasantar)- Queixo fresco, rixós, chourizos e carne de porco celta, horta.
• Casa do Campo (A Estrada)- Hortalizas, pan, conservas.
• Finca de Cora (A Estrada)- Hortalizas, pizzas, galletas e conservas.
• Milhulloa (Palas de Rei)- Herbas menciñeiras e grelos deshidratados e cosmética natural.
• Carme de Socastro (Socastro- Rois)- Horta e queixos.

Mel

• Monte Veciñal de Caldebarcos e San Cibrán (Caldebarcos)- Mel
• AGA (Arzúa)- Mel
• Santi (Louro)- Mel, requeixo e alimentación ecolóxica.

Asociacións/colectivos informativas

• ADEGA
• Sindicato Labrego Galego- SLG
• Asociación Galega de Apicultura- AGA
• Monte Pindo Parque Natural
• ZocaMiñoca- Cooperativa de consumo responsable
• Implicadas no desenvolvemento- ONG

Artesanía

• BolaTola (Panchés)- Cosmética natural. xabróns, ungüentos, cremas...
• Charo (San Mamede)- Cerámica.
• Charamusca (Canedo)- Cerámica
• Nacho Porto (Cornido)- Cerámica
• Cesteiro de Rois- Cesteiría tradicional
• Francisco (Porto do Son)- Cesteiría tradicional
• Susana (Quiroga)- Cerámica e mandís con materiais reutilizados.
• O pano encantado (Ponteceso)- Roupa para nenos.
• Carme (Louro)- Diademas e adornos con teas reutilizadas.

Outros

• Menduíña (Cangas)- Cervexa artesá
• Empanadas de millo (Rois)- Filloas, empanadas, etc...
• Ánxel (O Carballiño)- Pulpeiría
• Equisol (Santiago)- Comercio Xusto
• Queixería Don Gabino (Vilalba)- Queixo de San Simón.

Cómpre lembrar que toddas as persoas que expoñen neste mercado fan unha produción sustentable e respectuosa co medio e comercializan directamente os seus produtos. Importantísimo no eido do consumo responsable esto da proximidade na venda, favorecendo o consumo local.

Novas relacionadas

• Especialistas internacionais introducirán a construción ecolóxica na Costa da Morte.
• Os voluntarios de Muxía recollen cogumelos e limpan o río.
• Quilmas segue loitando polo consumo responsable cun novo Mercado Ecolóxico e unha limpeza de ríos.
• 7 mercados ecolóxicos para 7 meses.
• O Mercado Ecolóxico de Quilmas acada bos resultados.

Máis novas

• Os Muíños de Caldebarcos volven sentirse vivos.
• Recunchos da Costa: Os Muíños de Vadebois de Caldebarcos.
• O pobo que quere trigo e non rodaballo .
• Quilmas vive .

Fonte

• Nota de prensa da Cooperativa de Agricultura Ecolóxica Raínha Lupa.