Abellariza de ruta ao Monte Branco pola Superlua Ver o espectáculo da superlúa dende o Monte Branco coas explicacións do físico Jorge Mira prometía éxito. E así o foi grazas ás case 150 persoas que participaron na ruta nocturna organizada pola asociación deportiva Abellariza de Ponteceso e que se desenvolveu o domingo á tardiña. A cita comezou cun roteiro de tres quilómetros para chegar ata o mirador de Valarés, no Monte Branco. Dende o punto de observación, Jorge Mira explicoulle aos existentes os aspectos centrais deste fenómeno que non se volverá a repetir ata o ano 2034. Xurdiron preguntas sobre o astro e incluso puideron medir a distancia que os separaban del reproducindo o experimento de Aristarco de Samos, do século II A.C., no que só é preciso empregar unha moeda de céntimo e un metro. Membros do GES e voluntarios de Protección Civil de Ponteceso axudaron a coordinar a andaina. Dende outros lugares como o Bico do Santo tamén lucíu a Superlúa. Así a cazou Quino Pais Próxima cita A próxima cita será o 25 de novembro, unha charla impartida pola fisioterapeuta Eva Senande baixo o título “Prevención de lesións ante a práctica deportiva”.  

Novas relacionadas

• Ruta nocturna da SuperLúa por Ponteceso
• De ruta con Abellariza
• Abellariza aposta polo deporte na rúa
• A agrupación deportiva Abellariza colle impulso.
• Unha Abellariza para que non todo sexa fútbol por Ponteceso

Fonte

• Redacción QPC (info@quepasanacosta.com)
• A. D. Abellariza