Xoves. 28.03.2024
El tiempo

Artesáns da Mariña Lucense buscan sinerxias turístico-artesáns en Carnota

Artesáns da Mariña Lucense buscan sinerxias turístico-artesáns en Carnota
Nacho Porto cos artesáns da Mariña Lucense no seu taller de Cornido

A pasada fin de semana tivo lugar un encontro cultural moi interesante. Nove artesáns da Mariña Lucense achegáronse ata Carnora para manter un encontro con Nacho Porto. Toda unha referencia o carnotán, un exemplo de como convertir a artesanía nun atractivo turístico, un negocio sostible e sustentable. Porto recibíu a expedición xunto co alcalde Moncho Noceda, na procura de novas sinerxias entre a artesanía costeira e mariñá.

O encontro encádrase dentro do proxecto Rutas da Artesanía na Mariña Lucense que busca dinamizar o turismo a través da artesanía, desestacionalizar a tempada turística, ofrecer alternativa ao turismo de sol e praia converténdose mesmo nunha alternativa de turismo familiar e cultural e incrementar o gasto medio do turista na zona.

Ademais de visitar o obradoiro de Cornido, a expedición visitou a Aldea de San Cibrán, exemplo de aldea rehabilitada de grande valor turístico, e Caldebarcos, para xantar no restaurante Fontevella un menú tradicional a base de produtos autóctonos cociñados seguindo receitas caseiras. Ao remate do xantar os propios responsables da cociña do Fontevella explicarán aos artesáns os segredos dos sabores caseiros e a importancia de por en valor os produtos da zona. Esta experiencia piloto podería facerse extensible aos restaurantes da Mariña que participan nas Rutas da Artesanía.

De visita por Carnota cos artesans da Marina

Será o propio Nacho Porto o que realice unha visita guiada e didáctica aos artesáns da Mariña Lucense para que poidan constatar o atractivo da súa actividade e o interese que suscita aos visitantes.

Novas relacionadas

Fonte

  • Xunta.

Comentarios