Martes. 17.05.2022
El tiempo

Carnota convírtese nunha feira de comezos do século XX por Semana Santa

Mostra Vindemo Ver Carnota 2022
A Mostra Víndemo Ver deste ano chega engalanada
Carnota convírtese nunha feira de comezos do século XX por Semana Santa
Volve a normalidade á Costa da Morte nesta Semana Santa. E ademais das citas obrigadas de Fisterra e Camariñas, o tridente evidente o completa Carnota, coa súa IX Mostra de promoción local "Víndemo Ver”. Durante os días 15, 16 e 17 de abril, Carnota convírtese nunha verdadeira feira de comezos do S.XX, invitando ademais a todos os veciñ@s e visitantes a que se disfracen para crear un ambiente auténtico e inesquecible.

Como viña sendo habitual antes da pandemia, a mostra contará con unha gran variedade de produtos da horta, ecolóxicos e de proximidade, xunto cun amplo abano de postos de artesanía de creadores locais. Esta edición todolos postos estarán dentro do “Mercado da Deputación“.

Este ano a programación é do máis completa e vai dende as xa habituais BTT (que contará ca versión curta de 30km e ca longa de 50) e andaina de arredor de 10 km onde se realizará parte do camiño que antigamente facían as mulleres para ir vender os produtos da agro e o leite a Muros. As probas terán lugar o venres 15 e o sábado 16 respectivamente con saída ámbalas dúas ás 9:30 dende a praza do Concello. Aínda estades a tempo de formalizar as inscricións en www.galitimng.com. están dispoñibles.

Tamén haberá actividades lúdicas para a rapazada, maxia, xogos tradicionais e busca do tesouro, música tradicional amenizando o ambiente, a presentación do libro “O Mergullador Atlántico” de Fernando Patricio Cortizo, etc. e para amenizar as noites haberá música e teatro. O venres 15, Quico Cadaval e Celso Sanmartín presentarán o espectáculo “Contos de vellas” e para rematar, un concerto de Pablo Balseiro. E o sábado 16, temos noite de concertos con “De Vacas” e “A Banda de Balbina”.

Tendes toda a programación web municipal carnota.gal

 

Novas relacionadas

comentarios